මෙම ලූණු තොගය පරීක්ෂා කිරීමේ දී බොහොමයක් පැළවී තිබූ බව දක්නට ලැබිණ. දඹුල්ල ආර්ථික මධ්‍යස්ථානය ආසන්නයේ පකිස්තානය ඇතුළු විදේශ රටවලින් ගෙන්වල ලද ලොකු ලූණු හා අර්තාපල් අල වෙළෙඳ බලපත්‍රයකින් තොරව අලෙවි කිරීමේ ක්‍රමවේදය සොයා බැලීමට නිලධාරීන් එහි පැමිණි අවස්ථාවේ දී මෙම කන්ටේනර් රථය සොයා ගෙන තිබේ. දඹුල්ල මහජන සෞඛ්‍ය පරීක්ෂක ප්‍රියන්ත ද සිල්වා මහතා පවසන්නේ, මෙම ලූණු පරිභෝජනයට නුසුදුසු බවයි.
බීජ තත්වයට පැලවීමෙන් පසුව, ඒ තුළ විෂක් වර්ධනය වන බැවින්, ඒවා මිනිස් සිරුරට අහිතකර බවයි, පැවසෙන්නේ. මෙම ලූණු තොගය ගෙන්වා ඇත්තේ කොළඹ ප්‍රදේශයේ ව්‍යාපාරිකයෙකු බවට අනාවරණය කෙරිණ. මීට පෙර මෙලෙස අනවසර ලෙස මෙම ලූණු අලෙවි කෙරෙන බවට මෙහිදී සොයා ගැනිණ. ව්‍යාපාරිකයාට එරෙහිව නීතියෙන් පියවර ගැනීමට සෞඛ්‍ය බලධාරීන් ක්‍රියා කළේය.
