ලෝක ආහාර වැඩසටහන උතුරු ‍ගාසා තීරයට ආහාර බෙදාදීමේ වැඩසටහන තාවකාලිකව නතර කර තිබෙනවා.

තමන් එකට එක්ව රජයක් පිහිටුවන බව පකිස්ථාන මුස්ලිම් ලීගය සහ පකිස්ථාන මහජන පක්ෂය පවසනවා. එම පක්ෂ දෙක සඳහන් කරන්නේ, ඒ සඳහා පූර්ණ එකඟතාවකට පැමිණ ඇති බවයි.
වගා කටයුතු ඇරඹීම හා අස්වනු නෙලීම සඳහා ජපානය විසින් භාවිතා කරන තාක්ෂණික හුවමාරු වැඩපිළිවෙළක් අරඹන්නැයි, කෘෂිකර්ම අමාත්යවරයා ජපාන රජයෙන් ඉල්ලීමක් කරනවා.
නව වෛද්‍යවරුන් බඳවා ගැනීමේ සැලසුමට විරෝධය පළ කරමින් දකුණු කොරියානු වෛද්‍යවරු වැඩ වර්ජනයක නිරත වී සිටිනවා.
ඇෆ්ගනිස්ථානයේ, නුරිස්තාන පළාතට බලපා ඇති අධික හිම පතනය හේතුවෙන් විශාල නායයාමක් සිදුව තිබෙනවා.
පැපුවා නිව්ගිනියාවේ ගෝත්‍රික කණ්ඩායම්වල ප්‍රචණ්ඩ ක්‍රියා හේතුවෙන් 53 දෙනෙකු සමූලඝාතනය වී ඇති බව ඕස්ට්‍රේලියානු මාධ්‍ය වාර්තා සඳහන් කරනවා.
සිවිල් වංචා නඩුවක් සම්බන්ධයෙන් අමෙරිකාවේ හිටපු ජනාධිපති ඩොනල්ඩ් ට්‍රම්ප්ට ඩොලර් මිලියන 355 කට ආසන්න දඩයක් ගෙවීමට නිව්යෝර්ක් අධිකරණය නියෝග කර තිබෙනවා.
ඊශ්‍රායල හමුදාව දකුණු ගාසා තීරයේ ප්‍රධාන රෝහලක සිදු කළ වැටලීමකින් ත්‍රස්තවාදීන් විශාල පිරිසක් අත්අඩංගුවට ගෙන තිබෙනවා.
ඊශ්‍රායල හමුදාව, ගාසා තීරයේ රෆා නගරය වෙත සැලසුම් කර ඇති යුද මෙහෙයුම ක්‍රියාත්මක කළහොත්, එය මිනිස් සංහාරයකට අත වැනීමක් බව, එක්සත් ජාතීන්ගේ සංවිධානය පවසනවා.
අමෙරිකාවේ නිව්යෝර්ක් නගරය සහ ඊසානදිග ප්‍රාන්ත කිහිපයකට ප්‍රබල හිම කුණාටුවකින් බලපෑම් එල්ල වී තිබෙනවා.
ඊශ්රායල ප්රහාරවලින් ගාසා තීරයේ රෆා නගර වැසියන් දැඩි ජීවිත තර්ජන වලට මුහුණ දී ඇති බව විදෙස් මාධ්ය වාර්තා කරනවා.
පාකිස්ථානයේ, හිටපු අගමැති නවාස් ෂරීෆ්ගේ පකිස්ථාන මුස්ලිම් ලීගය සහ බිලාවල් භූතෝ සර්දාරිගේ පකිස්ථාන ජාතික පක්ෂය සන්ධානගතවීමට තීරණය කර තිබෙනවා. එම පක්ෂ දෙකම කියා සිටින්නේ, දේශපාලන ස්ථාවරත්වයක් සඳහා එක්ව කටයුතු කිරීමට සැලසුම් කර ඇති බවයි.

‍පකිස්තාන මහ මැතිවරණයේ අවසන් නිල ඡන්ද ප්‍රතිඵලය තවමත් නිකුත් වී නොමැති බැවින්, ඡන්ද ප්‍රතිඵල නිකුත් කිරීමට සිදුවන ප්‍රමාදයට එරෙහිව, රට පුරා විරෝධතා මතුව ඇති බව එරට මාධ්‍ය වාර්තා කරනවා.

ෆ්ලොරිඩා ප්‍රාන්තයේ දී පෞද්ගලික ජෙට් යානයක් අධිවේගී මාර්ගයකට කඩා වැටීමෙන් පුද්ගලයන් දෙදෙනෙකු ජීවිතක්ෂයට පත්ව ඇති බව විදෙස් මාධ්‍ය වාර්තා කරනවා.

චීන සාම්ප්‍රදායික නව වසර අද (9) රාත්‍රියේ උදාවෙයි.

රහසිගත රාජ්ය ලිපිගොනු ලඟ තබා ගැනීම සම්බන්ධයෙන් අමෙරිකානු ජනාධිපතිවරයාට චෝදනා ගොනු නොකිරීමට ඒ පිළිබඳ පත්කල විශේෂ උපදේශකවරයා තීරණය කර තිබෙනවා.
ගාසා තීරයේ සටන් විරාමයක් සඳහා හමාස් සංවිධානය යෝජිත සටන් විරාම කොන්දේසි ඊශ්‍රායල් අග්‍රාමාත්‍ය බෙංජමින් නෙතන් යාහු ප්‍රතික්ෂේප කර තිබෙනවා. සටන් විරාම යෝජනාවට ප්‍රතිචාර වශයෙන් හමාස් සංවිධානයේ ඉල්ලීම් මාලාවක් ඉදිරිපත් කිරීමෙන් පසුවයි, ඔහු මේ බව ප්‍රකාශ කළේ.
හමාස් සටන්කාමීන් සිය යෝජනා ඉදිරිපත් කර තිබු‍ණේ, දින 135 ක සටන් විරාමයක් ක්‍රියාත්මක කිරීමටයි. සියලුම ඊශ්‍රායල කාන්තා ප්‍රාණ ඇපකරුවන් සහ අවුරුදු 18 ට අඩු පිරිමි, මහලු සහ රෝගී පුද්ගලයින් නිදහස් කිරීමට ද හමාස් සංවිධානයේ එකඟතාව පළ කොට තිබුණා.
ඒ වෙනුවට ඔවුන් ඉල්ලා සිටියේ ඊශ්‍රායල සිරකඳවුරුවල සිටින කාන්තාවන් සහ ළමුන් නිදහස් කරන ලෙසයි. ඊශ්‍රායල හමුදා ගාසා තීරයේ ජනාකීර්ණ ප්‍රදේශවලින් ඉවත් විය යුතු බවට කෙරෙන කොන්දේසීන් ද එහි ඇතුළත්. එහෙත්, ඊශ්‍රායල අග්‍රාමාත්‍යවරයා එම සියලු කොන්දේසි ප්‍රතික්ෂේප කර තිබෙනවා.
ඔහු ප්‍රකාශ කරන්නේ, ගාසා තීරයේ සම්පූර්ණ ජයග්‍රාහනය මාස කිහිපයකින් ලබා ගත හැකි බවයි. සාකච්ඡා සඳහා කිසිදු ස්ථානයකට නොයන බවත් ජයග්‍රාහනය හැර වෙනත් කිසිදු ‍විසඳුමක් නොමැති බවත්, ඔහු ප්‍රකාශ කරනවා.
වයස අවුරුදු 102 ක පුද්ගලයෙකු ගුවන් යානයක් පැද වූ පුවතක් මහා බ්‍රිතාන්‍යයෙන් වාර්තා වනවා. ඔහු රාජකීය ගුවන් හමුදාවේ හිටපු ගුවන් නියමුවෙකු බවයි, බ්‍රිතාන්‍ය මාධ්‍ය වාර්තා සඳහන් කරන්නේ.
ජපානයේ රූ රැජින ලෙස පසුගියදා තේරී පත් වූ යුක්රේන සම්භවයක් සහිත තරුණිය විවාහකයකු සමඟ අනියම් ඇසුරක් පවත්වමින් සිටින බව තහවුරු වීමෙන් ඇගේ කිරුළ ආපසු භාර දීමට සිදු වී ඇතැයි විදෙස් මාධ්ය වාර්තා කරනවා.

චිලි රාජ්‍යයේ ඇති වූ ලැව් ගින්නකින් 46 දෙනෙකු ජීවිතක්ෂයට පත්ව තිබෙනවා.

Latest News