ඊශ්‍රායල හමුදාව,ගාසා තීරයට ඊයේ දිනයේත් රොකට් ප්‍රහාර එල්ල කර තිබේ. ඒ පලස්තීන හමුදාව ඉලක්ක කරගෙන.

ස්පාඤ්ඤයේ කැනරි දූපත්වලට දරුණු වැලි කුණාටුවලින් බලපෑම් එල්ල වී තිබේ. සහරා කාන්තායේ සිට පැමිණෙන අදාළ වැලි කුණාටු හේතුවෙන් එරට ගුවන් ගමන් රැසක් අත්හිටුවීමටයි, බලධාරීන් කටයුතු කර ඇත්තේ.

කොවිඩ් 19 වෛරසය හේතුවෙන් මේ වන විට ලොව පුරා මියගොස් ඇති සංඛ්‍යාව 2,470ක්. 78,999ක පමණ පිරිසකට වෛරසය ආසාදනය වී ඇති අතර සුවය ලැබූ පිරිස 23,577ක් ලෙසයි වාර්තා වන්නේ.

අමෙරිකානු ජනාධිපතිවරයාට සුබපැතීම සඳහා ඉන්දියානු අග්‍රාමාත්‍යවරයාගේ උපන්ගම වන අහමදාබාද්හි ලක්ෂ සංඛ්‍යාත පිරිසක් වීථිවලට රැස්වීමට සූදානමින් පසුවෙයි.

කොවිඩ් 19 හෙවත් නව කොරෝනා වෛරසය දකුණු කොරියාව තුළ ශීඝ්‍ර ලෙස ව්‍යාප්ත වෙමින් පවතින බව විදෙස් මාධ්‍ය වාර්තා කරයි. තම රටෙන් හමු වූ නව කොරෝනා වෛරස ආසාදිත පුද්ගලයින් ගණන එක් දිනකදී දෙගුණයකට වඩා වැඩි ප්‍රමාණයකින් ඉහළ ගොස් ඇති බව දකුණු කොරියාව පවසයි.

ලෝක සෞඛ්‍ය සංවිධාන අධ්‍යක්ෂ ජනරාල්වරයා නව කොරොනා නියුමෝනියා වසංගතය පැතිරීම වැළැක්වීමේ විශේෂ නියෝජිතයින් 6දෙනෙකු නම් කරයි.

නව කොරොනා වෛරස වසංගතයෙන් චීන ආර්ථිකයට එල්ල වන බලපෑම් කෙටිකාලීන හා සීමිත බව චීන මහජන බැංකු උප අධිපති චෙන් යූලූ මහතා පවසයි.

කොරෝනා වෛරසය චීන බන්ධනාගාරවල රැඳවියන් 100කට වැඩි පිරිසකට ආසාදනය වී ඇති බව බලධාරීන් පවසයි.

ජර්මනියේ සිදුවූ වෙඩි තැබීමකින් පුද්ගලයින් 8 දෙනෙක් මියගොස් තිබේ. බටහිර ජර්මනියේ හැනාවූ නගරයේ දී වෙඩි තැබීම සිදුව ඇති බවයි, වාර්තා වන්නේ.