සෝමාලියාවේ අස්වැන්න නෙලීම එළඹෙන අප්‍රේල් මාසයේ දී ආරම්භ වීමට නියමිතයි. ඊට පෙර මෙම තත්වය පාලනය කර ගත නොහැකි වුවහොත් විශාල ගැටලුවක් උද්ගත වන බවයි, එරට බලධාරීන් සඳහන් කරන්නේ. වසර 25ක් තුළ සෝමාලියාවේ සහ ඉතියෝපියාවේ මෙලෙස රංචු වශයෙන් පළගැටි උවදුරක් උද්ගත වී ඇති බව, එක්සත් ජාතීන්ගේ සංවිධානය ප්‍රකාශ කළේය.
සෝමාලියාවට අසල්වැසි කෙන්යාවේ ද දරුණු ලෙස පළගැටි උවදුරු පැතිර පවතියි. එහෙත්, මෙම උවදුර සම්බන්ධයෙන් හදිසි අවස්ථාවක් ප්‍රකාශයට පත් කළ කලාපයේ පළමු රට සෝමාලියාවයි. කෙසේ වෙතත්, සෝමාලියාවේ පවතින ගැටලුකාරී ආරක්ෂක තත්වය හමුවේ, ගුවන් යානා භාවිතයෙන් පළගැටි උවදුර මැඩපැවැත්වීමට කෘමිනාශක ඉසීමට ද බාධා එල්ල වී ඇති බවයි, විදෙස් මාධ්‍ය වාර්තාවල දැක්වෙන්නේ.
