සුදු වෑන් මාධ්‍ය සාකච්ඡාව සම්බන්ධයෙන් සැකපිට අත්අඩංගුවට ගෙන රක්ෂිත බන්ධනාගාර ගත කරසිටි හිටපු අමාත්‍ය රාජිත සේනාරත්න මහතාව ඇප මත මුදා හරිමින් කොළඹ මහේස්ත්‍රාත් අධිකරණය දුන් නියෝගය බල රහිත කරන ලෙස ඉල්ලා නීතිපතිවරයා විසින් ඉදිරිපත් කර තිබෙන ප්‍රතිශෝධන පෙත්සම පිළිබඳව විභාගය ලබන 10 වැනිදා දක්වා කල් දැමීමට කොළඹ මහාධිකරණය නියම කළේය.
අජිත් ප්‍රසන්නට එරෙහි චෝදනා පත්‍ර විභාගයට දින නියම වෙයි
අධිකරණයට අපහාස කළේ යැයි චෝදනා කරමින් විශ්‍රාමික යුධ හමුදා මේජර් නීතිඥ අජිත් ප්‍රසන්න මහතාට එරෙහිව නීතිපතිවරයා විසින් ඉදිරිපත් කර තිබෙන චෝදනා පත්‍රය විභාග කිරීම සඳහා කොළඹ මහාධිකරණය දින නියම කළේය.
කොළඹ වරායේ සහ කටුනායක නිදහස් වෙළඳ කලාපයේ රඳවා තිබෙන විදේශවලින් ආනයනය කළ කැලිකසල අඩංගු බහලුම් රට තුළ ප්‍රවාහනය කිරීම වළක්වාලමින් පනවා තිබෙන අධිකරණ තහනම් නියෝගය මගින් ඒවා ප්‍රති අපනයනය කිරීමේ කටයුතු වලට නීතිමය වශයෙන් බාධාවක් මතු නොවන බව අභියාචනාධිකරණය තීන්දු කළේය.
මොහොමඩ් රූමිගේ විදෙස් ගමන් තහනම තාවකාලිකව ලිහිල් කෙරේ
ආන්දෝලනයකට තුඩුදුන් සුදු වෑන් මාධ්‍ය සාකච්ඡා සිද්ධියේ හතරවන සැකකරු ලෙස නම් කර සිටින රාජ්‍ය ඖෂධ නීතිගත සංස්ථාවේ හිටපු සභාපති මොහොමඩ් රූමි මහතාට පනවා තිබූ විදේශ ගමන් තහනම තාවකාලික ලෙස ලිහිල් කිරීමට කොළඹ මහේස්ත්‍රාත් අධිකරණය නියම කළේය.
සත්‍යග්‍රහයක නිරතවූ අන්තරේ විසි දෙදෙනා යළි රිමාන්ඩ්
අධිකරණ නියෝග උල්ලංඝනය කරමින් සත්‍යග්‍රහයක නිරත වීමේ සිද්ධිය සම්බන්ධයෙන් අත්අඩංගුවට ගත් අන්තර් විශ්ව විද්‍යාල ශිෂ්‍ය බල මණ්ඩලයේ සාමාජිකයින් විසි දෙදෙනා ලබන 16 වැනිදා තෙක් තවදුරටත් රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් ලංකා ජයරත්න මෙනවිය නියම කළාය.
ශ්‍රීලංකා නීතීඥ සංගමයේ නව ලේකම් තේරීමේ ඡන්ද විමසීම ඇරඹේ
ශ්‍රී ලංකා නීතීඥ සංගමයේ 24 වැනි ලේකම්වරයා තෝරාගැනීමේ ඡන්ද විමසුම මේවනවිට ආරම්භකර තිබේ.
සුදු වෑන් මාධ්‍ය සාකච්ඡා ගැන අධිකරණයට විශේෂ දැනුම්දීමක්
පසුගිය ජනාධිපතිවරණය සමයේ මහත් ආන්දෝලනයකට තුඩුදුන් සුදු වෑන් මාධ්‍ය සාකච්ඡා සිද්ධිය සම්බන්ධයෙන් හිටපු අමාත්‍ය රාජිත සේනාරත්න මහතා ඇතුළු සැකකරුවන් හතර දෙනකුට එරෙහිව සිදු කරන පරීක්ෂණ කටයුතු ඉදිරි සති තුනක කාලයක් තුළ අවසන් කිරීමට හැකි වනු ඇතැයි, රජයේ නියෝජ්‍ය සොලිසිටර් ජෙනරාල් පිරිස් මහතා කොළඹ මහේස්ත්‍රාත් අධිකරණය දැනුම් දුන්නේය.
විදෙස් ගතවීමට චම්පිකගේ ඉල්ලීම ගැන කරුණු දැක්වීම ලබන 4
2016 වසරේ රාජගිරිය ප්‍රදේශයේ ඇති වූ බරපතළ රිය අනතුරු සිද්ධියක සැකකරුවෙකු ලෙස නම් කර සිටින හිටපු අමාත්‍ය පාඨලී චම්පික රණවක මහතාට විදේශ ගතවීමට අවසර දෙන ලෙස කර තිබෙන ඉල්ලීමට අදාළව ලබන 4 වැනිදා කරුණු දැක්වීමට පියවර ගන්නා ලෙස කොළඹ මහේස්ත්‍රාත් අධිකරණය අද නියම කළේය.
වසන්ත කරන්නාගොඩට 4වැනි වරටත් සිතාසි
අද්මිරාල් වසන්ත කරන්නාගොඩ මහතා අද දිනයේ අධිකරණයේ පෙනී නොසිටීම හේතුවෙන් ඔහුට 4 වැනි වතාවටත් සිතාසි නිකුත් කරන ලෙස කොළඹ ත්‍රිපුද්ගල මහාධිකරණ විනිසුරු මඩුල්ලක් නියම කළේය.
හෝමාගම දිසා විනිසුරුට හා ආරක්ෂකට වසර 16ක සිරදඬුවම්
රුපියල් ලක්ෂ 3 ක අල්ලසක් ලබා ගැනීම සහ ඊට ආධාර අනුබල දීමේ චෝදනාවලට වරදකරු කෙරුණු හිටපු හෝමාගම දිසා විනිසුරු සුනිල් අබේසිංහ සහ ඔහුගේ පෞද්ගලික ආරක්ෂක නිලධාරියා ලෙස කටයුතු කළ පොලිස් කොස්තාපල්වරයාට කොළඹ මහාධිකරණය විසින් බරපතළ වැඩ සහිත වසර 16 ක සිරදඬුවම් නියම කළේය.
