මේ වනවිට එක්සත් රාජධානියේ ස්ථාපිත කොට ඇති ස්ටොටෙරා (Stortera) ආයතනය මගින් මේ වනවිට මෙම බැටරි නිෂ්පාදනය සිදුකර අනෙකුත් රටවල් සඳහාද බෙදාහරිනු ලබයි. මෙම බැටරි නිපදවීමේ නිල හිමිකාරීත්වය ශ්‍රී ලාංකිකයෙක් සතුවීම මෙහි ඇති සුවිශේෂීත්වය වේ.
මේ වනවිට ශ්‍රී ලංකාවේ විදුලිබල ක්ෂේත්‍රය, පුනර්ජනනීය බලශක්ති ප්‍රභවයන් වෙත යොමුවී ඇති බැවින්, ඒ සදහා අත්‍යාවශ්‍ය අංගයක් වන බැටරි නිෂ්පාදනය දේශීය වශයෙන් සිදුකිරිම රටේ ආර්ථිකයට වඩාත් ලාභදායි වෙයි.
එමෙන්ම මෙම ව්‍යෘපෘතිය රට තුළ ස්ථාපිත කිරීමෙන් දේශීය වශයෙන් රටේ රැකියා වියුක්තියට ද කදිම විසදුමක් වන බව පැවසූ අමාත්‍ය දුමින්ද දිසානායක මහතා, ජාත්‍යන්තරය ජයගත් ශ්‍රී ලාංකික තාක්ෂණික ඥාණය, මෙසේ සිය මව් රටට දායාද කිරීමට යොමුවිම සුවිශේෂී වන බව පැවසීය.
මෙම බැටරි නිෂ්පාදනාගාරය ශ්‍රී ලංකාව තුළ ස්ථාපනය කිරිමට ඇති ඉඩ ප්‍රස්ථා පිළිබදව වැඩිදුරටත් කරුණු විමසූ සූර්යබල, සුළං හා ජල විදුලි ජනන ව්‍යාපාති සංවර්ධන රාජ්‍ය අමත්‍යවරයා, ඉදිරියේදී මේ සම්බන්ධයෙන් වැඩිදුර සාකච්ඡා පවත්වා, මෙම බැටරි නිෂ්පාදනාගාරය රට තුළ ස්ථාපිත කිරීමට අවශ්‍ය ඉදිරි පියවර කඩිනමින් ගතයුතු බව පැවසිය.
රටේ විදුලි නිෂ්පාදනය මේ වනවිට පුනර්ජනනීය බලශක්තිය මත යැපෙන නමුත්, ලෝකයේ සෙසු රටවල් සමග සංසන්දනාත්මකව බලන කල, ශ්‍රී ලංකාව තවමත් පුනර්ජනනීය බලශක්ති ව්‍යාප්තිය අතින් පහළ මට්ටමක පවතියි.
එම අභියෝගය බාර ගැනීමට සමහර කොටස් එකගනැති බවත් පැවසූ අමාත්‍ය දුමින්ද දිසානායක මහතා, තාක්ෂණික වශයෙන් ලෝකය ජයගැනිමට නම් මෙවැනි නව නිමැවුම් පිළිගතයුතු බවත්, ඒ තුලින් බිහිවන නව රැකියා අවස්ථා, තාක්ෂණික දැනුම මෙන්ම විදෙස් ආයෝජන වැනි විකල්ප අවස්ථාවන්ගෙන් රටටත් ජනතාවටත් විපුල ප්‍රයෝජන හිමිකර ගතහැකි බවත් අවධාරණය කළේය.
සූර්යබල, සුළං හා ජල විදුලි ජනන ව්‍යාපාති සංවර්ධන රාජ්‍ය අමාත්‍ය දුමින්ද දිසානායක මහතා ඊයේ (14) පෙරවරුවේ එක්සත් රාජධානියේ ස්ටොටෙරා (Stortera) ආයතනය සමග zoom තාක්ෂණය ඔස්සේ මේ සම්බන්ධයෙන් පැවති විශේෂ සාකච්ඡාවකදී මෙම කරුණු අවධාරණය කරන ලදී.
