මෙම අධිවේගී මාර්ගය මගින් සම්බන්ධ වන්නේ ටෝකියෝ අගනුවර සහ උතුරු ජපානයේ නීගාතා කලාපයයි.
බදාදා දිනයේ ආරම්භ වූ මෙම හිම පතනය හේතුවෙන් ඉතා දැඩි වාහන තදබදයක් නිර්මාණය වී තිබුණේ ටෝකියෝ-නීගාතා අතර ගමනාගමනය සම්පූර්ණයෙන්ම පාහේ අඩාල කරමින්.
මෙය ආරම්භ වී තිබෙන්නේ දැඩි හිම පතනය නිසා ට්‍රේලර් වාහනයක් කැඩීයාම හේතුවෙනි.
තවද කලාපයේ නිවාස 10,000කට අධික සංඛ්‍යාවකට මේ නිසා විදුලිය විසන්ධි වීම ද සිදුව තිබේ.
වාහන එක බැගින් මුදා ගැනීමේ කටයුතු මේ වන විට ආරම්භ වී තිබේ.
ඒ සඳහා බරැති යන්ත්‍ර සූත්‍ර යොදාගනු ලැබේ.
කෙසේ නමුත් ඊයේ දිනය වන විටත් වාහන දහසකට ආසන්න සංඛ්‍යාවක් එකම තැන සිරවී තිබෙන ආකාරය දැකගන්නට ලැබිණි.
