පාස්කු ඉරුදින බෝම්බ ප්‍රහාරයට අදාළ නඩු කටයුතුවලින් ජනාධිපති රනිල් වික්‍රමසිංහ මහතා නිදහස් කිරීමට ශ්‍රේෂ්ඨාධිකරණය තීන්දු කර තිබෙනවා. ආණ්ඩුක්‍රම ව්‍යවස්ථාවේ 35 /1 වගන්තිය අනුව, වත්මන් ජනාධිපතිවරයාට මුක්තියක් හිමිවීම ඊට හේතුවයි.
පාස්කු ප්‍රහාරයට අදට වසර තුනක්
ජීවිත රැසක් අහිමි කරමින් ශ්‍රී ලාංකික ජනතාව තුළ නැවතත් ත්‍රස්තවාදයේ භීතිය ජනිත කළ පාස්කු ඉරුදින බෝම්බ ප්‍රහාර මාලාව සිදුවූ අදට තෙවසරක් සම්පූර්ණ වෙයි.
පාස්කු ප්‍රහාරයේ සැකකරුවකු මියයයි
පාස්කු ඉරුදින එල්ල කෙරුණු ත්‍රස්තප්‍රහාර සිද්ධිය සම්බන්ධයෙන් රක්ෂිත බන්ධනාගාර ගත කර සිටි සැකකරුවකු අසනීපව කොළඹ ජාතික රෝහලේ දී මියගොස් ඇතැයි, පොලිසිය විසින් කොළඹ මහේස්ත්‍රාත් අධිකරණයට කරුණු වාර්තා කර තිබේ.
පාස්කු නඩුවට, පොලිස්පති අධිකරණය හමුවේ සාක්ෂි දෙයි
පාස්කු ඉරුදින ත්‍රස්ත ප්‍රහාරයක් එල්ල වන බවට ප්‍රමාණවත් බුද්ධි තොරතුරු ලැබී තිබියදීත් එය වළක්වා ගැනීමට ක්‍රියාමාර්ග නොගැනීම ඇතුළු චෝදනා එල්ල වී සිටින හිටපු පොලිස්පති පූජිත් ජයසුන්දර මහතාට එරෙහිව ගොනු කර තිබෙන නඩුවේ සාක්ෂි සටහන් කර ගැනීම අද හය වන දිනටත් සිදු කෙරිණ.
පාස්කු ඉරුදින ත්‍රස්ත ප්‍රහාරයක් එල්ල වන බවට ප්‍රමාණවත් බුද්ධි තොරතුරු ලැබී තිබියදීත් එය වළක්වා ගැනීමට නිසි ක්‍රියාමාර්ග නොගැනීම ඇතුළු චෝදනා යටතේ හිටපු පොලිස්පති පූජිත් ජයසුන්දර මහතාට එරෙහිව ගොනුකර තිබෙන නඩුවේ චෝදනා අද කොළඹ මහාධිකරණය හමුවේ කියවා දෙනු ලැබීය.
තවුහිත් ජමාත් සංවිධානය විසින් පාස්කු ඉරුදින ත්‍රස්ත ප්‍රහාරයක් එල්ල කිරීමට නියමිත බවට විශ්වාස කළ හැකි බුද්ධි තොරතුරු ලැබී තිබියදීත් එය වළක්වා ගැනීමට ක්‍රියා නොකිරීම තුළින් ජනතාවගේ මූලික අයිතිවාසිකම් උල්ලංඝනය කළේ යැයි චෝදනා කොට හිටපු ජනාධිපති මෛත්‍රිපාල සිරිසේන, හිටපු අග්‍රාමාත්‍ය රනිල් වික්‍රමසිංහ ඇතුළු පිරිසකට එරෙහිව ගොනුකර තිබෙන මූලික අයිතිවාසිකම් පෙත්සම් විභාග කිරීම සඳහා ශ්‍රේෂ්ඨාධිකරණය දින නියම කළේය.
අප්‍රේල් 21 වැනිදා දේවස්ථාන සඳහා විශේෂ ආරක්ෂාවක්
2019 සිට පාස්කු ප්‍රහාරය සිදුවී වසර 2ක් ගතවන 21 වැනිදා විශේෂ දේව මෙහෙයන් සහ වෙනත් ආගමික උත්සව සඳහා අවශ්‍ය උපරිම ආරක්ෂාව ලබා දෙන ලෙසට පොලිස් මූලස්ථානය විසින් විශේෂ නිවේදනයක් නිකුත් කර තිබේ.
පාස්කු ප්‍රහාරය විකුණා තමන් බලයට පත් නොවූ බව ජනපති පවසයි
ගම සමග පිළිසඳර 13 වැනි වැඩසටහන කුරුණෑගල ගිරිබාව ප්‍රාදේශීය ලේකම් කොට්ඨාසයේ වේරගල ග්‍රාම නිලධාරී වසමේ මාදුරුවාගම ක්‍රීඩාංගණයේ දී දැන් පැවැත්වෙයි.
