ඉකුත් 29 වැනි දින ආරම්භ කෙරුනු කොවිඩ් -19 ප්‍රතිශක්තීකරණ වැඩසටහන අද ක්‍රියාත්මක කෙරෙන්නේ 9 වැනි දිනටයි.

ඊයේ එන්නත 9,983 දෙනෙක්ට ලබා දී ඇති බවයි, වසංගත රෝග විද්‍යා අංශය පවසන්නේ. ඒ අනූව, මේ වන විට එක් ලක්ෂ 56,310 දෙනෙක්ට ඇස්ට්‍රාසෙනෙකා එන්නත ලබාදී තිබේ.

මේ අතර කොවිඩ් - 19 රෝගයෙන් මෙරට පූර්ණ සුවය ලැබූ පිරිස 61,461 දක්වා ඉහළ ගොස් තිබේ. එම ප්‍රතිශතය 90.58ක්. 8.91%ක පිරිසක් තවදුරටත් ප්‍රතිකාර ලබමින් සිටින අතර 6,046 දෙනෙක් ඊට අයත්.