ඒ සඳහා වූ අවබෝධතා ගිවිසුම හුවමාරු කර ගැනීම අද සිදු කෙරුණා. මේ සඳහා ශ්‍රී ලංකා විදේශ සේවා නියුක්ති කාර්යාංශය යටතේ ලියාපදිංචි සියලුම ශ්‍රමිකයන්‌ ඇතුළත්‌ වනවා. විදේශයන්හි සේවය කරන අතරතුර කිසියම්‌ හේතුවක්‌ නිසා ජීවිත අහිමිවීමක්‌, පූර්ණ හා සදාකාලික අබලතාවක්‌ සහ ශ්‍රී ලංකාවට පැමිණීමෙන්‌ පසු සිදු කරන වෛද්‍ය වියදම්‌ මින්‌ ආවරණය කර ගත හැකියි. වැඩසටහන ක්‍රියාත්මක කරන්නේ ශ්‍රී ලංකා ඉන්ෂුවරන්ස්‌ සහ ශ්‍රී ලංකා විදේශ සේවා නියුක්ති කාර්යාංශයයි. ශ්‍රී ලංකා ඉන්ෂුවරන්ස්‌ සභාපති ජගත් වැල්ලවත්ත හා ශ්‍රී ලංකා විදේශ සේවා නියුක්ති කාර්යාංශයේ කමල්‌ රත්වත්තේ යන මහත්වරුන්‌ අද පැවති උත්සවයට එක්වුණා.
