මාවනැල්ල බුදුපිළිමවලට හානි කළ 13 දෙනා යළි රිමාන්ඩ්
මාවනැල්ලේ බුදු පිළිමවලට හානි කිරීමේ සිද්ධියට අත්අඩංගුවට ගත් 13 දෙනා ලබන මස 3 වැනිදා දක්වා යළි රක්ෂිත බන්ධනාගාර ගත කිරීමට නියෝග කෙරිණ.
අග්‍රාමාත්‍ය රනිල් වික්‍රමසිංහ මහතාගේ පාර්ලිමේන්තු මන්ත්‍රී ධුරය අහෝසි කිරීමේ රිට් ආඥාවක් නිකුත් කරන ලෙස ඉල්ලා ගොනු කෙරුණු පෙත්සම විභාගයට නොගෙන ප්‍රතික්ෂේප කිරීමට අභියාචනාධිකරණය නියම කළේය.
බොරැල්ල OIC හැප්පූ වාහනයේ චැසි අංකය බද්ධ කළ බවට හෙළිවෙයි
මෑතකදී බම්බලපිටිය පොලිස් වසම තුළ බොරැල්ල පොලිසියේ රථවාහන අංශයේ ස්ථානාධිපතිවරයා අනතුරට ලක් කිරීමේ සිද්ධියට සම්බන්ධ මෝටර් රථයේ චැසි අංකය මෙරට දී බද්ධ කරන ලද එකක් බවට තොරතුරු අනාවරණය වී ඇතැයි පොලිසිය කොළඹ මහේස්ත්‍රාත් අධිකරණයට දන්වා සිටියේය.
කොටි සංවිධානය යළි නඟාසිටුවිය යුතු යැයි ප්‍රකාශයක් කළ බව කියන ඇමතිනී විජයකලා මහේෂ්වරන් සම්බන්ධයෙන් ගන්නා ඉදිරි ක්‍රියාමාර්ග පිළිබඳව අධිකරණය දැනුවත් කරන්නැයි සිහි කැඳවීමක් කර තිබේ.
ඉකුත් 21දා සිදු වූ පිපිරීම්වලට සැකපිට කොල්ලුපිටියේදී යූද හමුදා ඇඳුම්වලට සමාන ඇඳුම් සමග අත්අඩංගුවට ගත් සැකකරුවන් දෙදෙනා මුදා හරින ලෙස කොටුව මහේස්ත්‍රාත් රංග දිසානායක මහතා අද (29) නියෝග කර තිබේ.
ඇමති අර්ජුන නඩුවෙන් නිදහස්
මෑතකදී කොලොන්නාව ඛනිජතෙල් නීතිගත සංස්ථා මූලස්ථානයේ ඇතිවූ කලහාකාරී සිද්ධිය සම්බන්ධයෙන් සැකකරුවෙකු වශයෙන් අධිකරණයට ඉදිරිපත් කර සිටි අමාත්‍ය අර්ජුන රණතුංග මහතා නිදහස් කිරීමට කොළඹ මහේස්ත්‍රාත් අධිකරණය නියම කළේය.
තිස්ස කූට ලේඛන නඩුවෙන් නිදහස් කරයි
ඉකුත් ජනාධිපතිවරණය සමයේ කොළඹ පැවති මාධ්‍ය හමුවකදී කූඨ ලේඛනයක් ප්‍රදර්ශනය කරමින් ජාතීන් අතර සුහදතාව කඩාකප්පල් කිරීමට ක්‍රියා කළේ යැයි චෝදනා එල්ල වී සිටින එක්සත් ජාතික පක්ෂයේ හිටපු මහ ලේකම් තිස්ස අත්තනායක මහතාාට එරෙහිව ගොනුකර තිබෙන නඩුව අවසන් කළ කොළඹ මහාධිකරණ විනිසුරු විකුම් කළුආරච්චි මහතා එම නඩුවේ විත්තිකරු තිස්ස අත්තනායක මහතා නිදහස් කිරීමට නියම ක‌ෙළේය.
අද(18) ඩුබායි සිට මෙරටට පිටුවහල් කළ මාකඳුරේ මධූෂ්ගේ ඥාති සොහොයුරා අධිකරණයට ඉදිරිපත් කිරීමෙන් අනතුරුව අප්‍රියල් 22 දක්වා රක්ෂිත බන්ධනාගාර ගත කීරීමට නියෝග කර තිබේ.
ජනාධිපති මෛත්‍රීපාල සිරිසේන මහතාගේ ධූර කාලය අවසන් වන දිනය සම්බන්ධයෙන් ශ්‍රේෂ්ඨාධිකරණයේ මතය විමසීම සම්බන්ධයෙන් පක්ෂය තුළ සාකච්ඡා පැවැත්වෙන බව ශ්‍රී ලංකා නිදහස් පක්ෂයේ මහ ලේකම් පාර්ලිමේන්තු මන්ත්‍රී දයාසිරි ජයසේකර ප්‍රකාශ කර සිටියි.
එමිල් රන්ජන්ට ඇප
වැලිකඩ සිරකරු ඝාතනය සිද්ධිය සම්බන්ධයෙන් රිමාන්ඩ් භාරයට පත්කර සිටි හිටපු බන්ධනාගාර කොමසාරිස්වරයෙකු වන එමිල් රංජන් ළමාහේවා ඇප මත මුදාහැරින ලෙස අභියාචනාධිකරණය නියෝග කරයි.
