අමරිකානු ජනාධිපති ඩොනල්ඩ් ට්‍රම්ප් විසින් නව කොරෝනා වෛරසය පැතිරීම මැඬපැවැත්වීම සඳහා යුරෝපයට නව සංචාරක සීමාවන් පණවන බව විශේෂ ප්‍රකාශයක් කරමින් නිවේදනය කර තිබේ.

චිලී රාජ්‍යයේ විරෝධතා නැවතත් උත්සන්න වී තිබේ. රට තුළ ප්‍රජාතන්ත්‍රවාදය ස්ථාපනය වී වසර 30ක් සපිරෙන මොහොතක නැවතත් විරෝධතා ඇතිවී ඇති බවයි, විදෙස් මාධ්‍ය සඳහන් කරන්නේ.

කොවිඩ් 19 හෙවත් නව කොරෝනා වෛරසය ගෝලීය වසංගත තත්වයක් ලෙස ලෝක සෞඛ්‍ය සංවිධානය විසින් ප්‍රකාශයට පත් කර තිබේ. යුරෝපයේ වැඩිම බලපෑමට ලක්ව ඇති ඉතාලිය ද ඒත් සමගම එරට ආහාර අලෙවිසැල් හා ඖෂධහල් හැර අනෙකුත් සියලුම කඩ සාප්පු ද වසා දැමීමටයි, කටයුතු කර ඇත්තේ.

මේ වසරේ පැවැත්වීමට නියමිතව තිබූ ලොව විශාලතම සංගීත උළෙල ලෙස සැලකෙන කෝචෙල්ලා සංගීත හා කලා උළෙල කල්දමා තිබේ.

කොරෝනා වෛරසය මේ වන විට රටවල් 110ක ව්‍යාප්ත වී තිබේ. වාර්තා වූ රෝගීන් සංඛ්‍යාව එක් ලක්ෂ දහතුන් දහස ඉක්මවන බවයි විදෙස් මාධ්‍ය වාර්තා කරන්නේ.