පෙත්සම කැදවන අවස්ථාවේ මූල්‍ය අපරාධ විමර්ශන කොට්ඨාසය අධිකරණයේ පෙනී නොසිටීයේය. එ අනුව ඉදිරි නඩු දිනය වන 2020 ජනවාරි මස 27 වන දින අධිකරණයේ පෙනී සිටින ලෙස පොලිසියට මහේස්ත්‍රාත් වරයා නොතිසි නිකුත් කළේය.
සිද්ධිය සම්බන්ධයෙන් ඇප මත සිටින හිටපු ඉංජිනේරු සේවා නිවාස හා ඉදිකිරීම් ඇමති විමල් වීරවංශ මහතා ඇතුළු පිරිස අද අධිකරණයේ පෙනී සිටියේය.
සැකකරුවෙක් වන ශ්‍රී ලංකා ඉංජිනේරු සංස්ථාවේ හිටපු නියෝජ්‍ය සාමාන්‍යාධිකාරී සමන්ත ලොකුහැන්නදි යන අයට අද දින සිට ඉදිරි නඩු දිනය තෙක් විදේශ ගත වීමට අධිකරණයෙන් සිදු කළ ඉල්ලීම සලකා බැලූ මහේස්ත්‍රාත් වරයා ඒ සදහා අවසර ලබා දුන්නේය.
රජයට රු මිලියන 41ක් පාඩු සිදු කිරීමේ චෝදනාව යටතේ පා.ම. විමල් වීරවංශ හා ශ්‍රී ලංකා ඉංජිනේරු සංස්ථාවේ හිටපු නියෝජ්‍ය සාමාන්‍යාධිකාරී සමන්ත ලොකුහැන්නදිට එරෙහිව පොලිස් මූල්‍ය අපරාධ විමර්ශන කොට්ඨාසයට විසින් මෙම පැමිණිල්ල ඉදිරිපත් කර තිබේ.
