ඊයේ රාත්‍රී 11.30ට පමණ අනතුර සිදුවුනේ ජීප් රථයක්, ඉදිරියෙන් ධාවනය වූ ලොරි රථයක පිටුපස ගැටීමෙන්. අනතුරින් ජීප් රථයේ රියදුරු හා එහි ගමන් ගත් කාන්තාවන් සිව් දෙනෙකු බරපතල තුවාල ලැබීය. රියදුර හා එක් කාන්තාවක් නාගොඩ රෝහලටත්, කාන්තාවන් දෙදෙනෙක් බණ්ඩාරගම රෝහලටත්, අනෙක් කාන්තාව හොරණ රෝහලටත් ඇතුළත් කෙරිණ. අනතුරුව බණ්ඩාරගම රෝහලට හා නාගොඩ රෝහලට ඇතුළත් කළ කාන්තාවන් දෙදෙනෙක් මිය ගිය බවයි, පොලිස් මූලස්ථානය පවසන්නේ. අනතුර සම්බන්ධයෙන් ලොරි රථයේ රියදුරු අත්අඩංගුවට ගෙන තිබේ.
