තවත් අයෙක් බරපතල තුවාල ලබා ඇති බවයි වාර්තා වන්නේ. අනතුර සිදුව ඇත්තේ ඊයේ සවස 5.00ට පමණ.

මොවුන් දෙදෙනා වෙල් යායක වගා කටයුතුවල නිරතවෙමින් සිට ඇති අතර, එහි දී අකුණු පහර එල්ල වී තිබේ.

ඔවුන් පොතුවිල් රෝහලට ඇතුළත් කෙරුණු අතර, පසුව අයෙක් මිය ගියේය. මියගොස් ඇත්තේ වෙල්ලමනල් පාර, පොතුවිල් 7 ප්‍රදේශයේ පදිංචි 65 හැවිරිදි පුද්ගලයෙක්. මරණ පරීක්ෂණය අද සිදු කිරීමට නියමිතයි.

දිවයින වටා මුහුදු ප්‍රදේශවල වැසි හෝ ගිගුරුම් සහිත වැසි ඇති වන අතර මඩකලපුව සිට ත්‍රිකුණාමලය, කන්කසන්තුරය සහපුත්තලම හරහා කොළඹ දක්වා වෙරළට ඔබ්බෙන් වන මුහුදු ප්‍රදේශවල ඇතැම් ස්ථානවලට තද වැසි හෝ ගිගුරුම් සහිත වැසිබලාපොරොත්තු විය හැක.

මඩකලපුව සිට ත්‍රිකුණාමලය, කන්කසන්තුරය,පුත්තලම සහ කොළඹ හරහා ගාල්ල දක්වා වෙරළට ඔබ්බෙන් වන මුහුදුප්‍රදේශවල සුළං ඊසාන සිට වයඹ දක්වා වන දිශාවලින් හමන අතර සුළගේ වේගය පැ.කී.මී. 20-30 පමණ වේ. මෙම මුහුදුප්‍රදේශවල සුළගේ වේගය විටින් විට පැ.කී.මී. 45 පමණ දක්වා වැඩි විය හැක.