IMF විධායක මණ්ඩලය, ශ්‍රී ලංකාව සඳහා වන විස්තීරණ මූල්‍ය පහසුකම ශ්‍රි ලංකා වේලාවෙන් ඊයේ රාත්‍රී 9:45 ට පමණ සම්මත කළා.
IMF ණය පළමු වාරිකය ලැබෙන දිනය මෙන්න
මාර් 21,
2023
ශ්‍රී ලංකාවට ලබා දෙන විස්තීරණ මූල්‍ය පහසුකමේ පළමු වාරිකය වන ඩොලර් මිලියන 333 ක් ඉදිරි දින දෙක තුළ පිරිනැමෙන බව, අන්තර්ජාතික මූල්‍ය අරමුදල ප්‍රකාශ කරනවා.
IMF විධායක මණ්ඩල සැසි වාරය පැවැත්වුණේ, අමෙරිකාවේ - වොෂින්ටන් අගනුවර පිහිටි එම සංවිධාන මූලස්ථානයේ දී.
ඒ, ශ්‍රී ලංකාවේ ආර්ථිකය ශක්තිමත් කිරීම හා මූල්‍ය ප්‍රතිසංස්කරණ ක්‍රියාවලිය විධිමත් කිරීම සඳහා යි.
IMF විධායක මණ්ඩල තීරණය නිල වශයෙන් දැනුම් දීම සඳහා විශේෂ මාධ්‍ය හමුවක්, ශ්‍රී ලංකා වේලාවෙන් අද පෙරවරු 8.00 ට පමණ "අයි එම් එෆ්" මූලස්ථානයේ දී පැවැත්වුණා.
ඒ, IMF ශ්‍රී ලංකා මෙහෙයුම් ප්‍රධානී පීටර් බ්‍රේවර් සහ ශ්‍රී ලංකාවේ IMF නියෝජිත මසාහිරො නොසාකි යන මහත්වරුන්ගේ ප්‍රධානත්වයෙන්.
