ඒ අනුව වෛද්‍ය පීඨවලට සිසුන් 2,035ක් ඇතුළත් කෙරෙන අතර රාජ්‍ය විශ්වවිද්‍යාලවල ඉංජිනේරු පීඨවලට සිසුන් 2,238ක් ඇතුළත් කිරීමට නියමිතය.
එළඹෙන 2022 වසර සඳහා විශ්වවිද්‍යාල ප්‍රවේශය සඳහා වන අයදුම්පත් අන්තර්ජාලය හරහා යොමු කළ යුතු බව ඔහු පවසයි.
ඒ අනුව සැප්තැම්බර් 05 සිට සැප්තැම්බර් 23 දක්වා අයදුම්පත් කැඳවීමට නියමිතව ඇත. අයදුම්පත් කැඳවීමේ කාලසීමාව තුළ සතියේ දින 05 සහ සති අන්තයේ උදෑසන 8:30 සිට සවස 6:00 දක්වා විශ්වවිද්‍යාල ප්‍රතිපාදන කොමිෂන් සභාවේ තොරතුරු මධ්‍යස්ථානය විවෘතව තැබෙන බව ද ඔහු සඳහන් කළේය.
ඒ සඳහා අවශ්‍ය වැඩිදුර තොරතුරු 011-2695301 හෝ 011-2695302 දුරකථන අංක ඔස්සේ විමසීම් කළ හැකියි.
විශ්වවිද්‍යාල ප්‍රවේශ අත්පොත එලඹෙන සිකුරාදා (සැප්තැම්බර් 02) සිට පොත්හල්වලට නිකුත් කරන බවත් සෙනසුරාදා දින සිට ඒ හරහා ලබාගත හැකි බවත් සභාපතිවරයා සඳහන් කළේය.
