මේ අතර නාවික ගමනාගමනයේදී නැව් සන්නිවේදන සබඳතා පටිගත කෙරෙන 'වොයිස් ඩේටා රෙකෝඩර්' හෙවත් 'VDR' පණිවුඩ හුවමාරු දත්ත පටිගත කිරීමේ පද්ධතිය ඊයේ (05) දිනයේදී නාවික හමුදාවේ ද සහාය ඇතිව අපරාධ පරීක්ෂණ දෙපාර්තමේන්තුව භාරයට ගෙන තිබේ.
නෞකාවේ අනතුර සිදුවීමෙන් පසු පානදුර සිට වැල්ලවත්ත දක්වා වූ මුහුදුතීරයේ මියගිය කැස්බෑවන් 4 දෙනෙක් හමු වූ බවත්, අද දිනයේත් මියගිය කැස්බෑවෙකු දෙහිවල ඕබන් පෙදෙසෙන් හමුවූ බව වනජීවී සංරක්ෂණ දෙපාර්තමේන්තුවේ නිලධාරීන් පවසයි.
මියගිය කැස්බෑවාගේ මළ සිරුර වන ජීවී නිලධාරීන් විසින් මහේස්ත්‍රාත් අධිකරණයෙන් ලබාගත් නියෝගයක් මත මරණ පරික්ෂණ කටයුතු සිදුකිරීම සඳහා අත්තිඩිය පිහිටි වන ජීවී කාර්යාලයේ පශු වෛද්‍ය ඒකකට බාරදි තිබේ.
