කොරෝනා වෛරසය ආසාදිත බවට සැක කෙරුණ අයෙකු රැගත් කලවංචිකුඩි රෝහලේ සිට මඩකලපුව රෝහල වෙත රැගෙන පැමිණි ගිලන් රථය රෝහල තුලට ඇතුළුවීම වළක්වාලමින් කලහකාරී හැසිරුනු පුද්ගලයන් 9 දෙනෙකු ඊයේ අත්අඩංගුවට ගැනිණ. ඔවුන් මඩකලපුව මහේස්ත්‍රාත් අධිකාරණය වෙත ඉදිරිපත් කිරීමෙන් අනතුරුව ඇප මත මුදා හැරිණ.
මහනුවර ශ්‍රී දළදා මාලිගාවට පැමිණෙන සැදැහැවතුන් වෙනුවෙන් විශේෂ සෞඛ්‍ය ආරක්ෂක වැඩපිළිවෙලක් ක්‍රියාත්මකයි. එම ජනතාවගේ දෑත් සේදීමට හා අවස්ථා දෙකක දී ආයුර්වේද දියරයක් ගැල්වීම ඇතුළු පියවර රැසක් ගෙන තිබේ.
