කුඹුරු,කුඩා තේ වතු,අපනයන බෝග ක්ෂේත්‍රයේ නිරත ගොවීන්ට ඇඳිරි නීති කාලයේ සිය කටයුතු බාධාවකින් තොරව කරගෙනයෑමට අවසර ලබා දී තිබේ. නිරෝධායන රෙගුලාසිවලට යටත්ව අවසර ලබාදෙන බවයි පොලිස් මූලස්ථානය නිවේදනය කරන්නේ.

ලොකු ලූණු කිලෝග්‍රෑම් 1ක් සඳහා වන රජයේ අවම සහතික මිල ඉහළ නංවා තිබේ. රුපියල් 60ක්ව පැවති එම සහතික මිල රුපියල් 80 දක්වා ඉහළ නංවා ඇත්තේ, දේශීය ගොවීන් රැකගැනීමේ පියවරක් ලෙසයි.

පුත්තලම දිස්ත්‍රික්කයේ වී මිලදී ගැනීම ඊයේ තබ්බෝව ප්‍රදේශයෙන් ආරම්භ විය. වියළි වී කිලෝවක් මිලදී ගැනෙන්නේ,රුපියල් 50කටයි.

මහ කන්නයේ අස්වැන්න නෙළීම ආරම්භ කිරීමත් සමගම රජය වී මිල දී ගැනීමේ වැඩසටහන ද ආරම්භ කිරීම හේතුවෙන් පෞද්ගලික ව්‍යාපාරිකයන්ට ගොවීන්ව සූරාකෑමේ අවස්ථාව අවම වී ඇතැයි සංවර්ධන බැංකු සහ ණය යෝජනා පිළිබඳ රාජ්‍ය අමාත්‍ය ෂෙහාන් සේමසිංහ මහතා පවසයි.

මාතලේ දිස්ත්‍රික්කයේ ගලේවෙල,දඹුල්ල,යටවත්ත ආදී ප්‍රදේශවල වැටකොළු,කරවිල සහ බෝංචි වගාවන් වලට දිලීර රෝගයක් වැළඳීම හේතුවෙන් අස්වැන්න විශාල වශයෙන් අඩුවී තිබේ.

දිලීර රෝගයක් හේතුවෙන් වැලිඔය ප්‍රදේශයේ එළවළු වගාවට දැඩි ලෙස හානි සිදුවී ඇති බව අප වාර්තාකරු පවසයි.

2018-19 මහ කන්නයේ දී රජය මිල දී ගත් වී තොග සහල් කර ලංකා සතොස වෙළෙඳ ජාලය හරහා පාරිභෝගික ජනතාව වෙත අලෙවි කිරීමට අමාත්‍ය මණ්ඩලයේ අනුමැතිය හිමිව තිබේ.

වී ගොවියට පමණක් නොව මෙරට සියලු ගොවි ජනතාවට නොමිලයේ පොහොර ලබාදීමට තමන් කටයුතු කරන බව නව ප්‍රජාතන්ත්‍රවාදී පෙරමුණේ ජනාධිපතිධුර අපේක්ෂක සජිත් ප්‍රේමදාස මහතා අවධාරණය කරයි.

පුත්තලම දිස්ත්‍රික්කයේ යල කන්නයේ දී වගා හානි වූ ගොවීන් වෙනුවෙන් වන්දි මුදල් ප්‍රදානය කිරීම ඊයේ කෙරිණ.

සේනා දළඹු විශේෂය නැවත වරක් රජරට ප්‍රදේශයේ ගොවි බිම්වල ව්‍යාප්ත වීමේ අවදානමක් පවතින බව පලුගස්වැව ප්‍රාදේශීය ලේකම් කොට්ඨාසයට අයත් හොරිවිල ප්‍රදේශයේ ගොවීහු පවසති.