මෙවර උත්සව සමය වෙනුවෙන් ශ්‍රී ලංකා ගමනා ගමන මණ්ඩලයට අයත් බස් රථ 1500ක් පමණ අමතරව ප්‍රවාහනයට එක්කර තිබේ. සාමාන්‍යයෙන් දිනකට බස් රථ 4800ක් පමණ ලංකා ගමනා ගමන මණ්ඩලය විසින් ධාවනය කරවනු ලබන අතර ඒ අනූව මෙවර උත්සව සමයේ දී බස් රථ 6300කට ආසන්න ප්‍රමාණයක් ධාවනය කර ඇත. දිනකට පිටකොටුව මධ්‍යම බස් නැවතුමෙන් බස් රථ 1400ක් පමණ ධාවනය කරන අතර මෙවර උත්සව සමයේ දී එය 1800 දක්වා වැඩිකළ බව ඔහු කියා සිටියි.
පසුගියදා කොට්ටාව, මාකුඹුරේ දී විවෘත කෙරුණු බහුමාදිලි ප්‍රවාහන මධ්‍යස්ථානය හේතුවෙන් පිටකොටුව මධ්‍යම බස් නැවතුමේ තදබදය අවම වූ බව ද ඔහු පවසයි. මේ අනූව, බොහෝ ප්‍රදේශවල ජනතාව පිටකොටුව මධ්‍යම බස් නැවතුමට නොපැමිණ ප්‍රාදේශීය මට්ටමෙන් සිය ප්‍රවාහන අවස්ථා සපුරාගැනීමේ අවස්ථාව මේ වන විට උදාවී තිබේ.
