කොළඹ දිසා දූෂණ මර්ධන අංශයේ නිලධාරීන් අද පෙරවරුවේ සිදුකළ වැටලීමකදී හොරොයින් තොගය සහ විදේශීය රටක නිෂ්පාදිත රිපීටර් වර්ගයේ මෙම ගිණි අවිය සොයා ගෙන ඇත.
අත්අඩංගුවට පත් වී ඇත්තේ අවුරුදු 41ක් වූ මොරටුව රාවතාවත්ත ප්‍රදේශයේ පදිංචි දොන් ලක්ෂිත ප්‍රසන්න නම් අයෙකි. මොහු රාජගිරිය ප්‍රදේශයේ කළක් පාතාල කල්ලි නායකයෙකුව සිටි සොත්ති උපාලි නොහොත් අරඹෙවෙලගේ දොන් උපාලි රන්ජිත්ගේ පුත්‍රයෙකු බවද වාර්තාවේ.
සැකකරු හෙට මොරටුව මහේස්ත්‍රාත් අධිකරණයට ඉදිරිපත් කිරීමට නියමිතයි. මොරටුමුල්ල පොලීසිය වැඩිදුර විමර්ශන සිදුකරයි.
