ජුනි මස දෙවැනිදා සවස 1.00 ට සහ සවස 4.30 ට අනුරාධපුරය දක්වා විශේෂ දුම්රිය දෙකක්, කොටුව දුම්රිය ස්ථානයෙන් ගමන් කිරීමට නියමිතයි.

එදිනම, රාත්‍රී 8.15 ට ගාල්ලේ සිට විශේෂ දුම්රියක් අනුරාධපුරය දක්වා ගමන් කිරීමට සැලසුම් කර තිබෙනවා.

පොසොන් පොහෝ දින උදෑසන 7.05 ට කොටුව දුම්රිය ස්ථානයෙන් උදේ 7.30 ට‍ බෙලිඅත්ත දුම්රිය ස්ථානයෙන් විශේෂ දුම්රිය දෙකක් අනුරාධපුරය දක්වා ගමන් කිරීමට නියමිතයි.

අනුරාධපුරයට පැමිණෙන බැතිමතුන්ට ආපසු පැමිණීම සඳහා ජුනි 3 වැනිදා සවස 5.00 ට අනුරාධපුරයේ සිට කොළඹ කොටුව දක්වාත්, රාත්‍රී 9.30 ට අනුරාධපුරයේ සිට ගාල්ල දක්වාත් විශේෂ දුම්රියන් දෙකක් ගමන් කිරීමට සැලසුම් කර ඇතැයි, දුම්රිය නියෝජ්‍ය සාමාන්‍යාධිකාරී එන් ජේ ඉදිපොලගේ මහතා සඳහන් කළේ.