ඒ අනුව Eco Tablet පෙත්ත සිපෙට්කෝ ඉන්ධන සමඟ සංකලනය කිරීමට කිසිඳු ආයතනයකට උපදෙස් හෝ අනුමැතියක් ලබාදී නොමැති බවයි ලංකා ඛනිජ තෙල් නීතිගත සංස්ථාව සඳහන් කරන්නේ.
අදාළ ආයතනයට විරුද්ධව ලංකා ඛනිජ තෙල් සංස්ථාව විසින් පාරිභෝගික අධිකාරියට පැමිණිලි කර ඇති බවත්, මෙම Eco Tablet නැමැති කූට ප්‍රචාරයන්ට හසු නොවන ලෙසත් ලංකා ඛනිජ තෙල් නීතිගත සංස්ථාව ජනතාවට දැනුම් දෙයි.
සංස්ථාවට අයත් කිසිඳු සිපෙට්කෝ ඉන්ධන පිරවුම්හලක සංස්ථා අවසරයකින් තොරව මෙවැනි ද්‍රව්‍ය විකිණීමට හෝ අලෙවි ප්‍රවර්ධන කටයුතුවලට සහය දීම අප ආයතන‍යේ නීති රීතිවලට පටහැනි බව සංස්ථා අලෙවි කාර්යාංශ චක්‍රලේඛ මගින් සියළුම සංස්ථා සිපෙට්කෝ ඉන්ධන පිරවුම්හල් දැනටමත් දැනුවත් කර ඇති බවත් ලංකා ඛනිජ තෙල් නීතිගත සංස්ථාව නිකුත්කළ නිවේදනයේ සඳහන්.
