ඒ අනුව රට හමුවේ මේ මොහොතේ පවතින අභියෝගය ජයගැනීම වෙනුවෙන් විරෝධතාවයේ නිරත පිරිස දක්වන වටිනා අදහස් සාකච්ඡාවට ලක්කිරීමට අපේක්ෂිතයි.
මෙම සාකච්ඡාව සඳහා විරෝධතාවයේ නිරත පිරිස සූදානම් නම් තමන් ඒ සඳහා එම පිරිසේ නියෝජිතයන්ට ආරාධනා කරන බව ද අග්‍රාමාත්‍යවරයා පවසයි.
මේ වනවිට විරෝධතාකරුවන් පස්වන දිනයටත් අඛණ්ඩව විරෝධතාවයේ නිරත වේ.
දිවයින පුරා සිටින තරුණ තරුණයින්ගේ සහභාගිත්වයෙන් පසුගිය 9 වනදා මෙම විරෝධතාව ආරම්භ කෙරුණේ ජනාධිපති කාර්යාලය ඉදිරිපිට පිහිටි විරෝධතා සඳහා වෙන් කර ඇති භූමියේ කූඩාරම් ද සවි කර ගනිමින්.
