වැල්ලවාය ඌව කුඩාඔය පොලිස් ස්ථානයේ ස්ථානාධිපතිවරයාට ලද තොරතුරක් අනුව මෙම වැටලීම සිදුකර ඇත.
මෙම සැකකරුවන් විසින් මුදල් පසුම්බියේ රහස් සාක්කුවක් නිර්මාණය කර එම සාක්කුවේ හෙරොයින් සගවා යතුරු පැදියකින් ගාල්ල ප්‍රදේශයේ සිට බුත්තල ඔක්කම්පිටිය දක්වා මෙලෙස හෙරොයින් ප්‍රවාහනය කර තිබේ.
එක් සැකකරුවකු සන්තකයේ තිබී හෙරොයින් ග්‍රැම් හතරයි මිලිග්රැම් තිහක් සහ අනෙක් සැකකරු සන්තකයේ තිබී හෙරොයින් මිලිග්රැම් විස්සක් පොලිසිය විසින් සොයාගෙන ඇත.
ඇදිරි නීති කාල සීමාව තුල ඉතාමත්ම සූක්ෂම ලෙස මෙම සැකකරුවන් විසින් හෙරොයින් ප්‍රවාහනය සිදු කර ඇති අතර අත්අඩංගුවට ගත් සැකකරුවන් ඔක්කම්පිටිය ප්‍රදේශයේ පදිංචි පිලිවෙලින් වයස අවුරුදු තිස් පහ සහ තිස් හත යන වයස් වල පසුවන්නන් බව පොලිසිය පැවසීය.
සැකකරුවන් වැල්ලවාය මහේස්ත්‍රාත් අධිකරණයට ඉදිරිපත් කිරීමට නියමිත අතර ඌව කුඩාඔය පොලිස් ස්ථානයේ නිලධාරීන් විසින් ඉදිරි විමර්ශන සිදු කරයි.
