ජය ශ්‍රී මහාබෝධීන් වහන්සේ අභියස ආගමික වතාවත්වල නිරත වූ ජනාධිපතිතුමා රැස්ව සිටී ජනතාවගෙන් තොරතුරු විමසීය.
ඓතිහාසික රුවන්වැලි මහා සෑය විහාරාධිපති පූජ්‍ය පල්ලේගම හේමරතන නායක හිමියන් සමග ද කෙටි පිළිසඳරක නිරත වූ ජනාධිපතිතුමා රුවන් වැලි මහා සෑ රඳුන් වැඳ ආශිර්වාද ලබා ගත්තේය.
පුදබිමෙහි රැස්ව සිටී ජනතාව සමග ද ජනාධිපතිතුමා කතා බහ කළේය.
ජනාධිපතිතුමා ජේතවන විහාරාධිකාරී පූජ්‍ය හල්මිල්ලෑවේ රතනපාල හිමියන් බැහැ දැක ආශිර්වාද ගෙන ආගමික වතාවත්වල නිරත වූයේය. ජේතවන විහාරයේ සංරක්ෂණ කටයුතු කෙරෙහි ද ජනාධිපතිතුමාගේ අවධානය යොමු කෙරිණ.
අභයගිරිය විහාරයට ගිය ජනාධිපතිතුමා විහාරාධිකාරී පූජ්‍ය කල්ලංචියේ රතනසිරි හිමියන්ගේ සුව දුක් විමසීය.
අභයගිරි විහාරය වැඳ පුදාගත් ජනාධිපතිතුමා විහාරයේ සංවර්ධන කටයුතුවල වත්මන් තත්ත්වය සොයා බැලීය.
