අත්අඩංගුවට ගත් පිරිස අතර අන්තර් විශ්වවිද්‍යාල ශිෂ්‍ය බල මණ්ඩලයේ කැඳවුම්කරු පූජ්‍ය රත්කරව්වේ ජිනරතන හිමි හා අන්තර් විශ්වවිද්‍යාල භික්ෂූ බල මණ්ඩලයේ කැඳවුම්කරු ගල්වල සිරිධම්ම හිමියන් ද වෙයි. අන්තර් විශ්වවිද්‍යාල ශිෂ්‍ය බල මණ්ඩලය විසින් ඉකුත් 27 වැනිදා උසස් අධ්‍යාපන අමාත්‍යාංශය ඉදිරිපිට සත්‍යග්‍රහයක් ආරම්භ කළේය. ඒ රුහුණු විශ්ව විද්‍යාලයේ ශිෂ්‍ය මර්දනය හා තවත් ඉල්ලීම් කිහිපයක් මුල්කර ගනිමින්. සත්‍යග්‍රහය නවත්වන ලෙස කොළඹ අලුත්කඩේ මහේස්ත්‍රාත් අධිකරණය විසින් නියෝගයක් ද නිකුත් කර තිබිණ. එම නියෝගය කඩකිරීම හේතුවෙන් මෙම පිිරිස අද අත්අඩංගුවට ගැනුණේ උසස් අධ්‍යාපන අමාත්‍යාංශය ඉදිරිපිටදීයි.
ඊයේ දිනයේ නියෝජ්‍ය පොලිස්පති අජිත් රෝහණ මහතා ද එම ස්ථානයට ගොස් එම පිරිස හමුවේ කියා සිටියේ අධිකරණ නියෝගයට හිස නමා එම ස්ථානයෙන් ඉවත්වන ලෙසයි.
