හම්බන්තොට, මැදමුලන, ඩී .ඒ. රාජපක්ෂ අනුස්මරණ කෞතුකාගාරය ඉදි කිරීමේ දී රුපියල් මිලියන 33.9 ක රජයේ මුදල් සාවද්‍ය ලෙස පරිහරණය කළේ යැයි චෝදනා කරමින් හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු විත්තිකරුවන් පිරිසකට එරෙහිව නීතිපතිවරයා විසින් ගොනුකර තිබෙන නඩුවේ සාක්ෂි විභාග කිරීම වළක්වාලමින් පනවා තිබෙන තහනම් නියෝගය ලබන 14 වැනිදා දක්වා තවදුරටත් දීර්ඝ කිරීමට ශ්‍රේෂ්ඨාධිකරණය නියම කළේය.

හිටපු ආරක්ෂක ලේකම් ගෝඨාභය රාජපක්ෂ මහතා ශ්‍රීලාංකික පුරවැසියෙකු වශයෙන් පිළි ගැනීම වැළැක්වීමේ නියෝගයක් නිකුත් කරන මෙන් ඉල්ලා ගොනු කර ඇති පෙත්සම අභියාචනාධිකරණ ත්‍රිපුද්ගල විනිසුරු මඩුල්ලක් හමුවේ ඔක්තෝම්බර් මස 02 වැනිදා සලකා බැලීමට අභියාචනාධිකරණය තීන්දු කළේය.

2005 වසරේ පැවති ජනාධිපතිවරණය සමයේ ඇමෙරිකානු පුරවැසියෙකු වශයෙන් සිටියදී සංචාරක වීසා මත මෙරටට පැමිණ දේශපාලන ක්‍රියාකාරකම්වල නිරත වීම තුළින් ගෝඨාභය රාජපක්ෂ මහතා පුරවැසි පනත, ආගමන හා විගමන පනත සහ මැතිවරණ පනත උල්ලංඝනය කර ඇති බවට ලැබුණු පැමිණිල්ලකට ඒ අනුව සිදුකරන විමර්ශන සඳහා අවශ්‍ය ලේඛන ලබාදීමට පියවර ගන්නා ලෙස කොළඹ මහේස්ත්‍රාත් අධිකරණය විසින් ආගමන සහ විගමන පාලකවරයාට සහ හම්බන්තොට සහකාර මැතිවරණ කොමසාරිස්වරයාට නියෝග කළේය.

ශ්‍රී ලන්කන් ගුවන් සේවයේ සිදුව ඇතැයි සඳහන් දූෂණ වංචා සම්බන්ධ විමර්ශනයකට අදාළව එහි හිටපු ප්‍රධාන විධායක නිලධාරීවරයාගේ හා ඔහුගේ බිරිඳගේ විදේශ ගමන් තාවකාලිකව අත්හිටුවීමට අධිකරණය නියෝග කරයි.

පුද්ගල පැහැරගැනීමකට සම්බන්ධ පරීක්ෂණයකට අදාළව ලබන 26 සභ 28 යන දෙදින තුළ රහස් පොලිසියට ප්‍රකාශයක් ලබා දෙන ලෙස හිටපු නාවික හමුදාපති වසන්ත කරන්නාගොඩට නියෝග කර තිබේ.

හිටපු ආරක්ෂක ලේකම් හේමසිරි ප්‍රනාන්දු, පොලිස්පති පූජිත් ජයසුන්දර සහ අමාත්‍ය මණ්ඩලය ඇතුළු පාර්ශව කීපයකට එරෙහිව ගොනු කර තිබෙන මූලික අයිතිවාසිකම් පෙත්සම් 12 ක් අද(25) යළි ශ්‍රේෂ්ඨාධිකරණ සත් පුද්ගල විනිසුරු මඩුල්ලක් හමුවේ සලකා බැලිණි.

ඇල්පිටිය ප්‍රාදේශීය සභා ඡන්ද විමසීම පැවැත්වීම තහනම් කිරීමේ නියෝගයක් නිකුත් කරන මෙන් ඉල්ලා ගොනු කළ මූලික අයිතිවාසිකම් පෙත්සමක් සලකා බැලීම සඳහා හෙට දින කැඳවන ලෙස ශ්‍රේෂ්ඨාධිකරණය නියම කළේය.