මහා බ්‍රිතාන්‍යය, ස්පාඤ්ඤය හා ප්‍රංශය යන රටවල නීති දැඩි කිරීමට කටයුතු කර ඇති බවයි විදෙස් මාධ්‍ය සඳහන් කළේ.
ඒ අනුව මහා පරිමාණ අගුලුලෑම් වෙත යොමු වීමට එම රටවල් කටයුතු කරනු ඇති බව ද විදෙස් මාධ්‍ය වාර්තා කළා.
බ්‍රිතාන්‍යයේ අලුතින් කොරෝනා ආසාදිතයන් දොළොස්දහස් අටසිය හැත්තෑ දෙදෙනෙකු පැය 24 ක කාලය තුළදී හමුවීමත් සමග එරට ආසාදිතයන්ගේ සංඛ්‍යාව හය ලක්ෂ තුන්දහස ඉක්මවූවා.
ස්පාඤ්ඤයේ කැටලෝනියා හා නවාරේ ප්‍රාන්තවල ද කොරෝනා ආසාදිතයන්ගේ සංඛ්‍යාව ශීඝ්‍රයෙන් වර්ධනය වී තිබෙනවා.
සියලු විශ්වවිද්‍යාලවල දේශන කටයුතු ඔන්ලයින් ක්‍රමය ඔස්සේ පැවැත්වීමට ස්පාඤ්ඤය තීරණය කර ඇති අතර, ආයතනවල සේවකයන්ට නිවෙස්වල සිට කටයුතු කිරීමට ද උපදෙස් දී තිබෙනවා.
