කෙසේ වුවත් දඬුවම අතරතුර ඔහුට කිසිදු අයුරකින් නිදහසක් ලබාගැනීමට නොහැකි අයුරින් මෙම සිරදඬුවම නියම කර තිබීම විශේෂත්වයක්. එවැනි සිර දඬුවමක් නවසීලන්ත අධිකරණයක් විසින් ලබාදුන් පළමු අවස්ථාව මෙයයි.
ඉකුත් වසරේ මාර්තු මාසයේ ක්‍රයිස්ට්චර්ච්හි සිදුවූ ප්‍රහාරය නවසීලන්ත ඉතිහාසයේ සිදුවූ දරුණුතම ප්‍රහාරයක් ලෙස සැලකේ. ඉන් අනතුරුව එරට ගිනිඅවි සම්බන්ධ නීති ද දැඩි කිරීමට පියවර ගැණින. බ්‍රෙන්ටන් ටැරන්ට්ට පුද්ගලයින් 51 දෙනෙකු ඝාතනය කිරීම, ඝාතනය කිරීමට තැත් කිරීම සහ ත්‍රස්තවාදී ක්‍රියා සම්බන්ධයෙන් චෝදනා එල්ලවිය.
ඔහු එම වැරදි පිළිගත් අතර, විනිසුරුවරයා ඔහුගේ ක්‍රියාව අමානුෂික ක්‍රියාවක් ලෙස හඳුන්වා ඔහු මිනිසුන් කෙරෙහි කිසිදු දයාවක් නොපෙන්වා ඇති බව ප්‍රකාශ කළේය. දින 04ක් පුරා පැවති නඩු විභාගයට ප්‍රහාරයෙන් දිවි ගළවාගත් පුද්ගලයින් සහ ජිවිත අහිමිවූවන්ගේ පවුල්වල ඥාතීන් 90 දෙනෙකු පමණ සාක්‍ෂි ලබාදීමට පැමිණියේය.
