මියගිය ඉෂාලිනී දැරිය ගිනි තබා ගත් බවට හෝ ගින්න නිවූ බවට කිසිදු දර්ශනයක් පාර්ලිමේන්තු මන්ත්‍රී රිෂාඩ් බදියුදීන් මහතාගේ නිවෙසේ සවි කර ඇති සීසීටීවී කැමරාවල සටහන්ව නැති බව පොලිසිය අනාවරණය කර ගෙන තිබේ.

රිෂාඩ් බදියුදීන් මහතාගේ නිවසේ මෙහෙකාර සේවයේ යොදවා සිටියදී මියගිය ඉෂාලිනී දැරියට සාධාරණය ඉටු කරන ලෙස ඉල්ලා ග්‍රේට් වෙස්ටර්න් වතුයායේ කම්කරුවන් පිරිසක් අද උද්ඝෝෂණයක නිරත වුණා.

රිෂාඩ් බදුර්දීන් මන්ත්‍රීවරයාගේ නිවසේ දී සිරුරට ගිනි ඇවිලී මිය ගිය බව කියන 16 හැවිරිදි දැරිය නවාතැන් ගෙන සිටි කුඩා කාමරයේ බිත්තියේ ලියා ඇති (එන් සාවුක්කු කාරනම්) බව කියන " මගේ මරණයට හේතුව " යන වැකිය සම්බන්ධයෙන් ඊයේ( 2 ) එම නිවසට ගිය රජයේ රස පරීක්ෂක දෙපාර්තමේන්තුවේ නිලධාරීන් විසින් දැඩි පරීක්ෂාවට ලක් කළ බව පොලිසිය පවසයි.