19 දුන් නිදහසින් ජනාධිපතිවරණයේ නිදහස්ව හා සාධාරණත්වයටට සහය වන්න ( විඩියෝ)

නොවැ 15, 2019
  • හෙට (16) දිනයේ පැවැත්වෙන විශේෂ ජනාධිපතිවරණ මැතිවරණය වෙනුවෙන් අග්‍රාමාත්‍ය රනිල් වික්‍රමසිංහ මහතා විසින් අද දිනයේ විශේෂ නිවේදනයක් නිකුත් කර තිබේ.

    අගමැති රනිල් වික්‍රමසිංහ මහතා නිකුත් කළ නිවේදනය..

    19 වන ආණ්ඩුක්‍රම ව්‍යවස්ථා සංශෝධනය මගින් ස්වාධීන කොමිෂන් සභා ස්ථාපිත කර, රට පුරා ප්‍රජාතන්ත්‍රවාදී, නීතිගරුක සහ සාමකාමී පරිසරයක් නිර්මාණය කිරීමට අප කටයුතු කළා. එවැනි ප්‍රජාතන්ත්‍රවාදී, නීතිගරුක, සාධාරණ සහ යුක්තිගරුක පරිසරයක පැවැත්වෙන මුල්ම ජනාධිපතිවරණය හෙට, සෙනසුරාදා පැවැත්වීමට සියලූ කටයුතු සූදානම්.

    නිදහස් හා සාධාරණ මැතිවරණයක් පැවැත්වීමට අවශ්‍ය සියලූම විධිවිධාන මැතිවරණ කොමිෂන් සභාව විසින් සලසා තිබෙනවා. ඊට අවශ්‍ය ආරක්ෂාව ප්‍රමාණවත් පරිදි සැලසීමට ත්‍රිවිධ හමුදාව හා පොලිසිය වෙත අවශ්‍ය උපදෙස් ලබා දී තිබෙනවා. පුරවැසියන් වශයෙන් අප සියලූ දෙනාගේම යුතුකම හා වගකීම වන්නේ නිදහස්, සාධාරණ හා සාමකාමී මැතිවරණයක් පැවැත්වීම සඳහා අදාළ ආයතනවලටත්, නිලධාරීන්ටත් උපරිම සහය ලබා දීමයි.

    අප කළ යුත්තේ මේ නිදහස් පරිසරය තවතවත් ශක්තිමත් කරලීමයි. යළිත් අතීතයේ මෙන් අශීලාචාර දේශපාලන සංස්කෘතියක් නිර්මාණය නොවීමට උපරිම අයුරින් දායක වීමයි. ඒ නිසා මා ඔබ සියලූ දෙනාගෙන් ඉල්ලා සිටින්නේ හෙට, එනම් නොවැම්බර් 16 වන දින සාමකාමීව ඔබේ ඡන්දය ප්‍රකාශ කර මෙම ජනාධිපතිවරණය නිදහස්ව හා සාධාරණව පැවැත්වීමට අවශ්‍ය සහයෝගය ලබා දෙන ලෙසයි.

    එසේම, මැතිවරණ ප්‍රතිඵල ප්‍රකාශයට පත් කිරීමෙන් අනතුරුව නීතිය හා සාමය ආරක්‍ෂා කරමින්  සාමකාමීව කටයුතු කරන ලෙස මා ඔබ සැමගෙන් විශේෂයෙන්ම ඉල්ලා සිටිනවා.

    Last modified on සිකුරාදා, 15 නොවැම්බර් 2019 19:23

    Latest News