මෙම පැමිණිල්ල ඉකුත් 27 වැනිදා අධිකරණය හමුවේ කැඳවීමට නියමිතව තිබිණ.
එහෙත්, අලුත්කඩේ අධිකරණ බල ප්‍රදේශය කොරෝනා වසංගතයේ හේතුවෙන් හුදෙකලා ප්‍රදේශයක් ලෙස නම් කිරීම නිසා එදින අධිකරණ කටයුතු නොපැවැත්විණ.
මේ හේතුවෙන් අදාළ පැමිණිල්ල මාර්තු මස 19 වැනිදා යළි කැඳවන ලෙස අධිකරණය නියම කර තිබේ.
2018 වසරේ ජුලි මස යාපනය, වීරසිංහම් ශාලාවේ පැවති මහජන රැස්වීමකදී අදහස් දැක්වූ විජයකලා මහේෂ්වරන් මහත්මිය කොටි සංවිධානය යළි නගා සිටුවීය යුතු බවට ප්‍රකාශයක් සිදු කර ඇතැයි සංවිධානාත්මක අපරාධ විමර්ශන කොට්ඨාශය අධිකරණයට දැනුම් දී තිබිණ.
මේ සම්බන්ධයෙන් විමර්ශන අවසන් කළ පොලීසිය වැඩිදුර උපදෙස් ලබා ගැනීම සඳහා විමර්ශන වාර්තා නීතිපතිවරයා වෙත යොමු කර තිබේ.
