සැකකරුවන් ගිරාඳුරුකෝට්ටේ, මොනරාගල හා මාතලේ පදිංචිකරුවන්ය. රක්ෂිතයේ ගල් තලාව ප්‍රදේශයේ දින කිහිපයක සිට නිධන් සොයමින් කණ්ඩායමක් සැරිසරන බවට පොලීසියට තොරුතුරු ලැබී තිබිණ. ඒ අනූව, පොලිස් නිලධාරීන් පිරිසක්, වැටලීම සිදු කළ අවස්ථාවේ සැකකරුවන් පලා ගිය අතර ඉන් තිදෙනෙකු අත්අඩංගුවට ගෙන තිබේ. කැණීම් සඳහා යොදා ගත් පූජා භාණ්ඩ සහ ආයුධ තොගයක් ද සොයාගත් බව පොලීසිය පවසයි.
පලා ගිය සැකකරුවන් සොයා මෙහෙයුමක් ක්‍රියාත්මකයි. අත්අඩංගුවටගත් සැකකරුවන් මහියංගනය මහෙස්ත්‍රාත් අධිකරණයට ඉදිරිපත් කිරීමෙන් අනතුරුව, ලබන 20 දක්වා රක්ෂිත බන්ධනාගාර ගත කෙරිණ.
මේ අතර, මහියංගනය, හසලක, 7 ඇල ප්‍රදේශයේ නිධන් හාරමින් සිටි සිව් දෙනෙක් උපකරණ තොගයක් සමග හසලක පොලීසිය අත්අඩංගුවට ගනු ලැබීය. හසලක සහ ගිරාඳුරුකෝට්ටේ පදිංචිකරුවන් වන ඔවුන්, අද මහියංගනය මහේස්ත්‍රාත් අධිකරණයට ඉදිරිපත් කිරීමට නියමිතයි.
