ඇඳිරිනීතිය පැනවීමත් සමග වෙළෙඳ කලාපවල සේවය කරන සේවක සේවිකාවන් රැසක් නවාතැන් කාමරවල රැඳී සිටීම හේතුවෙන්, ඔවුන් යළි පිටත් කර හැරීමට රජය තීරණය කළේය. ඒ අමාත්‍ය ප්‍රසන්න රණතුංග මහතා, ආයෝජන මණ්ඩල ප්‍රධානීන් හා කර්මාන්ත ශාලා හිමිකරුවන්ගේ නියෝජිතයින් සමග කළ සාකච්ජාවකින් අනතුරුවයි. ඒ අනූව අද උදෑසන කටුනායක වෙළෙඳ කලාපයේ සේවක සේවිකාවන් පන් දහසකට අධික සංඛ්‍යාවකට නිවෙස් බලා යාමට අවශ්‍ය පහසුකම් සලසා තිබිණ.
ඒ පොලීසියේ සහ ත්‍රිවිධ හමුදාවේ දැඩි අධීක්ෂණය යටතේයි. සේවක සේවිකාවන් පිටත් කර හැරීමට පෙර ගුවන් හමුදාව ඔවුන් විශේෂ වෛද්‍ය පරීක්ෂණයකට ලක් කිරිමට ද කටයුතු කළේය. තවත් 2,000ක පමණ පිරිසක් සිය නිවෙස් වෙත පිටත් කර හැරීමට නියමිතයි.
