ගින්නෙන් අක්කර 50 පමණ කොටසක් විනාශ වී ඇති බවයි අප වාර්තාකරු පවසන්නේ. හැටන් ස්ටැඩන් වතු යාය මඟින් එම රක්ෂිතයේ යුකෙලෙප්ස්ටික් වන වගාවක් සිදු කර තිබු අතර, කිසියම් පිරිසක් විසින් ඊයේ පස්වරු 4.00ට පමණ වන වගා රක්ෂිතයට ගිනි තබා තිබේ.
ඊයේ පස්වරුවේ සිට අද අලුයම තෙක් ගින්න පැතිර ගිය අතර, ගින්න උඩරට දුම්රිය මාර්ගය ආසන්නයටද පැතිර ගොස් තිබුණි. අලුයම් කාලයේ හැටන් ප්‍රදේශයට පැමිණි අධික පිණි සහිත සිතල කාලගුණයත් සමඟ පැතිර ගිය ගින්න නිවි ගොස් ඇත.
මධ්‍යම කදුකරයේ බටහිර බැවුම් ප්‍රදේශවල පුරා මාස තුනක් තිස්සේ පවතින අධික වියළි කාලගුණයත් සමඟ කිසියම් පිරිසක් විසින් කඳුකරයේ රක්ෂිත ගණනාවකට ගිනි තබා මේ වන විට විශාල පරිසර හානියක් සිදු කර තිබේ.
