ඊශ්‍රායල පොලීසිය සහ පලස්තීනුවන් අතර දරුණු ගැටුම් හටගෙන තිබේ. ඒ ජෙරුසලමේ ප්‍රධාන ආගමික ස්ථානයක් වන අල් අක්සා මුස්ලිම් පල්ලිය ආසන්නයේ. ගැටුම්වලින් පලස්තීනුවන් 60කට අධික පිරිසක් බරපතල තුවාල ලබා ඇති බවයි වාර්තා වන්නේ.

අමෙරිකාවේ නිව්යෝර්ක් නුවර වෙඩි තැබීමකින් 20කට වැඩි පිරිසක් බරපතල තුවාල ලබා තිබේ. වෙඩි තැබීම සිදුව ඇත්තේ බෘක්ලින්හි උමං දුම්රිය මාර්ගයකදී.

අමෙරිකාවේ උද්දමනය වාර්තාගත ලෙස ගොස් තිබේ. අයෝවා ප්‍රාන්තයේ භාණ්ඩ මිල වැඩිවී ඇති බව, විදෙස් වාර්තාවල සඳහන්.

පවතින යුද්ධය නැවැත්වීමේ අරමුණින් රුසියාවට, යුක්‍රේනයේ කිසිඳු බිම්කොටසක් ලබාදීමට තමා සූදානම් නැතැයි,ජනාධිපති වොලොද්මීර් සෙලෙන්ස්කි පවසයි. මේ වන විටත් රට මුදා ගැනීමට 15,000කට ආසන්න පිරිසක් ජීවිත පරිත්‍යාග කර ඇති බවයි ඔහු මාධ්‍ය වෙත ප්‍රකාශ කර ඇත්තේ.

නැගෙනහිර යුක්‍රේනයේ හමුදා බලය වැඩි කිරීමට එරට පියවර ගෙන තිබේ. රුසියාවෙන් යළි ප්‍රහාරයක් එල්ල වුවහොත් ප්‍රතිප්‍රහාර එල්ල කිරීම මෙහි අරමුණයි.

සුපිරි හෙලිවුඩ් නළු විල් ස්මිත්ට වසර 10ක කාලයක් ඔස්කාර් උළෙල සහ අනෙකුත් ඇකඩමි උත්සව සදහා සහභාගී වීම තහනම් කර ඇත.

තවත් කොවිඩ් වෛරස ප්‍රභේදයක් ඉන්දියාවෙන් වාර්තා වී ඇත.