ඒ, අද පැවති අවසන් පූර්ව තරගවලදී බංග්ලාදේශ සහ ඔස්ට්‍රේලියා කණ්ඩායම් පරාජය කරමින්.
හොංකොං සික්සස් තරගාවලියේ සිංහයින් අවසන් සටනට
නොවැ 03,
2024
හොංකොං සික්සස් ක්‍රිකට් තරගාවලියේ අවසන් තරගයට සුදුසුකම් ලබාගැනීමට ශ්‍රී ලංකා සහ පකිස්තාන කණ්ඩායම් සමත් වුණා.
තරගාවලිය පැවැත්වෙන්නේ හොංකොං හි “මිෂන් රෝඩ්” ක්‍රීඩාංගණයේදී.
දෙවැනි අවසන් පූර්ව තරගය, ශ්‍රී ලංකාව සහ බංග්ලාදේශය අතර පැවැත්වුණා.
එහි පළමුවෙන් පන්දුවට පහරදුන් බංග්ලාදේශ කණ්ඩායම පන්දු වාර 6 ඇතුළත ලකුණු 103 ක් රැස්කළා.
ජිශාන් අලෙම් ලකුණු 36 යි. පන්දු යැවීමේදී තරිඳු රත්නායක කඩුලු 4 ක් බිඳහෙලුවා.
පිළිතුරු ලෙස ශ්‍රී ලංකාව තරගය ජයගත්තේ පන්දු වාර 5 යි, පන්දු 5 කදී කඩුලු 3 ක් දැවී ලකුණු 104 ක් රැස්කරමින්.
දක්‍ෂ පිති හරඹයක නිතර වූ සඳුන් වීරක්කොඩි පන්දු 16 කදී ලකුණු 50 ක් රැස්කළා. ඊට හතරේ පහර 7 ක් සහ හයේ පහර 3 ක් ඇතුළත්. ධනංජය ලක්ෂාන් ලකුණු 24 යි.
