වත්මන් රජයට එරෙහිව මේ විරෝධතා පැවැත්වුණේ,කයිරෝ,ඇලෙක්සැන්ඩ්‍රියා සහ තවත් නගර කිහිපයකයි. පසුගිය සිකුරාදා සහ සෙනසුරාදා මෙම විරෝධතා පැවැත්විණ. විරෝධතාවලට 60,000ක පමණ පිරිසක් සහභාගී වූ බවයි, වාර්තා වන්නේ. ඔවුන් බොහෝ දෙනා හිටපු ජනාධිපති මොහොමඩ් මුරුසිගේ ආධාරකරුවන් බවයි සඳහන් වන්නේ.
එරට 2013 වසරේ සිට විරෝධතා තහනම් කර තිබේ. නීතියට අනූව දස දෙනෙකුට වැඩි පිරිසක් රජයේ අනුමැතියකින් තොරව එක්රැස් වීම තහනම්. අත්අඩංගුවට ගත් පිරිස නිල වශයෙන් තවමත් ප්‍රකාශයට පත්කර නැහැ.
