ඉදිරි පැය 48 තුල දිස්ත්‍රික්ක 7කට මිලිමීටර් 100ත් 150ත් අතර ඉතා තද වැසි ඇතිවිය හැකි බව කාලගුණ විද්‍යා දොපර්තමේන්තුව පවසයි.

දිවයිනේ බොහෝ ප්‍රදේශවල සවස 2.00 න් පමණ පසුව වැසි හෝ ගිගුරුම් සහිත වැසි ඇති විය හැකි බව කාලගුණවිද්‍යා දෙපාර්තමේන්තුව පවසයි.

බදුල්ල දිස්ති‍්‍රක්කයේ ප‍්‍රාදේශීය ලේකම් කොට්ඨාශ 03 කට පැනවු නායයාම් අනතුරු ඇඟවීම් තවදුරටත් ක්‍රියාත්මකයි.

ඉන්දියාවටා බලපා ඇති අධික ගංවතුර තත්වය තවදුරටත් ඉහළ යමින් පවතියි.

ගාල්ල, දොඩන්ගොඩ පාලම සහ වක්වැල්ල පාලම යට ප්‍රදේශයන් ජලය බැස යාමට නොහැකි වන සේ අවහිර වී පැවති ශාක කොටස් ඉන් ඉවත් කර ජලය බැසයාම විධිමත් කිරීමට නාවික හමුදාව ඊයේ කටයුතු කළේය.

බස්නාහිර, සබරගමුව, දකුණ, මධ්‍යම, ඌව, වයඹ සහ උතුරු මැද පළාත්වලත්, මන්නාරම සහ වව්නියාව දිස්ත්‍රික්කවලත් රාත්‍රී කාලයේ ගිගුරුම් සහිත වැසි සමඟ ප්‍රබල අකුණු ඇතිවීමේ හැකියාවක් පවතින බව, කාලගුණ විද්‍යා දෙපාර්තමේන්තුව පවසයි.

ස්වභාවික විපත් නිසා හානි වූ ගෘහස්ත විදුලි පරිපථ යථා තත්වයට පත් කිරීමට ලංකා විදුලි බල මණ්ඩලයේ සහන සේවා ක්‍රියාත්මක බව, අමාත්‍ය රවී කරුණානායක මහතා පවසයි.

රත්නපුර දිස්ත්‍රික්කයේ ඊයේ දිනයේත් විදුලි කණු රැසකට හානිවීම් පස්කණ්ඩි කඩා වැටීම් කිහිපයක් වාර්තා වූ බවයි, ආපදා කළමනාකරණ අමාත්‍යාශය පවසයි.

මාතර දිස්ත්‍රික්කයට බලපා ඇති අයහපත් කාලගුණ තත්වයෙන් මතුව තිබූ ගංවතුර තත්වය මේ විට අඩුවෙමින් පවතින් බව මාතර දිස්ත්‍රික් ලේකම් ප‍්‍රදීප් රත්නායක මහතා කියා සිටියි.

දිවයිනේ නිරිත දිග කොටසට පවතින තද වැසි තත්වයේ තරම අඩුවීමක් අද (26) දින සිට බලාපොරොත්තු විය හැකි අතර දිවයිනේ බොහෝ ප්‍රදේශවලට අදත් සවස් කාලයේ ගිගුරුම් සහිත වැසි ඇතිවිය හැකි බවයි කාලගුණ විද්‍යා දෙපාර්තමේන්තුව පවසන්නේ.