සත්‍යග්‍රහයක නිරතවූ අන්තරේ විසි දෙදෙනා යළි රිමාන්ඩ්
අධිකරණ නියෝග උල්ලංඝනය කරමින් සත්‍යග්‍රහයක නිරත වීමේ සිද්ධිය සම්බන්ධයෙන් අත්අඩංගුවට ගත් අන්තර් විශ්ව විද්‍යාල ශිෂ්‍ය බල මණ්ඩලයේ සාමාජිකයින් විසි දෙදෙනා ලබන 16 වැනිදා තෙක් තවදුරටත් රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් ලංකා ජයරත්න මෙනවිය නියම කළාය.
ශ්‍රීලංකා නීතීඥ සංගමයේ නව ලේකම් තේරීමේ ඡන්ද විමසීම ඇරඹේ
ශ්‍රී ලංකා නීතීඥ සංගමයේ 24 වැනි ලේකම්වරයා තෝරාගැනීමේ ඡන්ද විමසුම මේවනවිට ආරම්භකර තිබේ.
සුදු වෑන් මාධ්‍ය සාකච්ඡා ගැන අධිකරණයට විශේෂ දැනුම්දීමක්
පසුගිය ජනාධිපතිවරණය සමයේ මහත් ආන්දෝලනයකට තුඩුදුන් සුදු වෑන් මාධ්‍ය සාකච්ඡා සිද්ධිය සම්බන්ධයෙන් හිටපු අමාත්‍ය රාජිත සේනාරත්න මහතා ඇතුළු සැකකරුවන් හතර දෙනකුට එරෙහිව සිදු කරන පරීක්ෂණ කටයුතු ඉදිරි සති තුනක කාලයක් තුළ අවසන් කිරීමට හැකි වනු ඇතැයි, රජයේ නියෝජ්‍ය සොලිසිටර් ජෙනරාල් පිරිස් මහතා කොළඹ මහේස්ත්‍රාත් අධිකරණය දැනුම් දුන්නේය.
විදෙස් ගතවීමට චම්පිකගේ ඉල්ලීම ගැන කරුණු දැක්වීම ලබන 4
2016 වසරේ රාජගිරිය ප්‍රදේශයේ ඇති වූ බරපතළ රිය අනතුරු සිද්ධියක සැකකරුවෙකු ලෙස නම් කර සිටින හිටපු අමාත්‍ය පාඨලී චම්පික රණවක මහතාට විදේශ ගතවීමට අවසර දෙන ලෙස කර තිබෙන ඉල්ලීමට අදාළව ලබන 4 වැනිදා කරුණු දැක්වීමට පියවර ගන්නා ලෙස කොළඹ මහේස්ත්‍රාත් අධිකරණය අද නියම කළේය.
වසන්ත කරන්නාගොඩට 4වැනි වරටත් සිතාසි
අද්මිරාල් වසන්ත කරන්නාගොඩ මහතා අද දිනයේ අධිකරණයේ පෙනී නොසිටීම හේතුවෙන් ඔහුට 4 වැනි වතාවටත් සිතාසි නිකුත් කරන ලෙස කොළඹ ත්‍රිපුද්ගල මහාධිකරණ විනිසුරු මඩුල්ලක් නියම කළේය.
හෝමාගම දිසා විනිසුරුට හා ආරක්ෂකට වසර 16ක සිරදඬුවම්
රුපියල් ලක්ෂ 3 ක අල්ලසක් ලබා ගැනීම සහ ඊට ආධාර අනුබල දීමේ චෝදනාවලට වරදකරු කෙරුණු හිටපු හෝමාගම දිසා විනිසුරු සුනිල් අබේසිංහ සහ ඔහුගේ පෞද්ගලික ආරක්ෂක නිලධාරියා ලෙස කටයුතු කළ පොලිස් කොස්තාපල්වරයාට කොළඹ මහාධිකරණය විසින් බරපතළ වැඩ සහිත වසර 16 ක සිරදඬුවම් නියම කළේය.
කුඩා දරුවෙකු ඝාතනය කළ සැකකරුට මරණ දඬුවම
තණමල්විල ප්‍රදේශයේ පදිංචි වයස අවුරුදු 12ක දරුවෙකුට පොල්ලකින් පහරදී ඝාතනය කිරීම සම්බන්ධයෙන් චෝදනා ලැබූ පුද්ගලයකුට මොනරාගල පළාත් බද මහාධිකරණය ඊයේ (19) මරණ දඬුවම නියම කර තිබේ.
වැඩ තහනමකට ලක්ව සිටින මහාධිකරණ විනිසුරු ගිහාන් පිලපිටිය මහතා නිසි අධිකරණය නියෝගයකින් තොරව අත්අඩංගුවට නොගන්නා ලෙස අභියාචනාධිකරණය අද නියෝග කළේය.
විල්පත්තුව රක්ෂිත වනාන්තර කලාපය ආසන්නයේ පිහිටි කල්ලාරු රක්ෂිත වනාන්තර හෙළි කොට අනවසර ඉදිකිරීම් සෑදීම සහ දැනට සකස් කර තිබෙන ඉදිකිරීම් ඉවත් කිරීමේ නියෝගයක් නිකුත් කරන ලෙස ඉල්ලා හිටපු අමාත්‍ය රිෂාඩ් බදියුදීන් ඇතුළු පිරිසකට එරෙහිව ගොනු කර ඇති පෙත්සමකට අදාළ අවසන් තීන්දුව අප්‍රේල් මස 03 වනදා ප්‍රකාශයට පත්කරන බව අභියාචනාධිකරණය නිවේදනය කර ඇත.
ගිහාන් පිලපිටියගෙන් අභියාචනාධිකරණයට පෙත්සමක්
තමන්ව අත්අඩංගුවට ගැනීම වැළැක්වීමේ අතුරු නියෝගය නිකුත් කරන මෙන් ඉල්ලා වැඩ තහනමකට ලක්ව සිටින මහාධිකරණ විනිසුරු ගිහාන් පිලපිටිය මහතා විසින් අභියාචනාධිකරණයට රිට් පෙත්සමක් ඉදිරිපත් කර තිබේ.
