ට්විටර් පණිවුඩයක් නිකුත් කරමින් ඇය ප්‍රකාශ කරන්නේ ප්‍රජාතන්ත්‍රවාදී මැතිවරණයක් පැවැත්වීම පිළිබඳ මෙරට ජනතාවට සුභ පැතුම් එක්කරන බවයි.
බ්‍රිතාන්‍යයේ විදෙස් හා පොදු රාජ්‍ය මණ්ඩලීය කාර්යාලයේ රාජ්‍ය අමාත්‍ය තාරික් අහමඩ් සාමිවරයා ද ශ්‍රී ලංකාවේ නව ජනාධිපතිවරයාට සුබ පැතුම් එක්කළේය. පොදු රාජ්‍ය මණ්ඩලීය සහකරුවන් ලෙස එලදායී බ්‍රිතාන්‍ය ශ්‍රී ලංකා සබඳතාවක් උදෙසා ක්‍රියාකිරීමට අපේක්ෂා කරන බවයි, ඔහු කියා සිටියේ. මේ අතර මෙරට බ්‍රිතාන්‍ය මහකොමසාරිස් සාරා හල්ටන් මහත්මිය ද ශ්‍රී ලංකා නව ජනාධිපතිවරයාට සුභ පැතුම් එක්කර තිබේ.
නේපාල අග්‍රාමාත්‍ය ශර්මා ඔලි මහතා ට්විටර් පණිවුඩයක් නිකුත් කරමින් ජනාධිපතිවරණය ජයගැනීම පිළිබඳව ගෝඨාභය රාජපක්ෂ මැතිතුමාට හද පිරි සුභ පැතුම් එක්කළේය. ශ්‍රී ලංකාව හා නේපාලය අතර ශක්තිමත් සබඳතාවක් උදෙසා සමීපව ක්‍රියා කිරීමට අපේක්ෂා කරන බවයි, ඔහු පෙන්වා දෙන්නේ.
