ඒ අනුව නඩුව අගෝස්තු මස 09 වන දා විභාගයට ගන්නා බව කොළඹ ප්‍රධාන මහේස්ත්‍රාත් ලංකා ජයරත්න මෙනවිය නියම කෙරිණ.
නඩුව මීට පෙර විභාගයට ගත් අවස්ථාවේ එය විභාගයට නොගෙන ප්‍රතික්ෂේප කරන මෙන් විත්තියේ නීතිඥයින් විසින් මුලික විරෝධතා දක්වමින් ඉල්ලීම් කර තිබුණා. එම මූලික විරෝධතා ප්‍රතික්ෂේප කළ කොළඹ ප්‍රධාන මහේස්ත්‍රාත්වරිය නඩුව විභාගයට ගන්නා බව කියා සිටියේය.
පසුගිය 2010 වසරේ සහ 2014 වසර දක්වා වූ කාල සීමාව තුළ සතොස ආයතනයේ රාජකාරි යේ නිරත සේවකයින් 153 දෙනෙකු නීත්‍යානුකූල රාජකාරිවලින් ඉවත් කර දේශපාලන ක්‍රියාකාරකම් වල යෙදවීමෙන් රජයට රුපියල් කෝටි හතරකට ආසන්න පාඩුවක් කර ඇති බවට චෝදනා කරමින් අල්ලස් කොමිසම විසින් පාර්ලිමේන්තු මන්ත්‍රී ජොන්ස්ටන් ප්‍රනාන්දු ඇතුළු තුන් දෙනෙකුට එරෙහිව නඩුව ගොනුකර තිබේ.
