මෙවර යල කන්නයේ සිට යූරියා පොහොර ලබා දීමට ගත් තීරණයත් සමග අන් කිසිඳු යල කන්නයකට වඩා වැඩි කුඹුරු ප්‍රමාණයක් මෙවර වගා කර ඇතැයි, අමාත්‍ය මහින්ද අමරවීර මහතා සඳහන් කළා. 2022/2023 මහ කන්නයට අවශ්‍ය පොහොර මෙට්‍රික් ටොන් එක් ලක්ෂ 50,000 ක් මිලදී ගැනීමට ලෝක බැංකුව ඩොලර් කෝටි 11ක් ලබා දීමට එකඟතාව පළ කර තිබෙනවා. ඒ සමගම අදාළ ප්රරසම්පාදන කටයුතු ආරම්භ කර ඇති බවයි, කෘෂිකර්ම අමාත්‍යාංශය පැවසුවේ.
ඉන්දීය රජයෙන් මෙරටට ලබා දුන් යූරියා පොහොර තොග බෙදා හැරීම සාර්ථකව සිදු කෙ‍රෙනවා. අනුරාධපුර දිස්ත්‍රික්කයේ ද පොහොර බෙදා හැරීමේ කටයුතු සාර්ථකව ක්‍රියාත්මකයි.
අනුරාධපුර - ජාතික පොහොර ලේකම් කාර්යාලය විසින් නොච්චියාගම - ගොවිජන සේවා මධ්යකස්ථානය හරහා පොහොර බෙදා දීම සිදු කෙරුණා. තමන්ට රසායනික පොහොර ලබා දීම පිළිබඳව ගොවි ජනතාව රජයට සිය ස්තූතිය පළ කළේය.
