මෙම මැණික් ගල් තුනේ වටිනාකම රුපියල් කෝටි පහකට ආසන්නවේ.
රත්නපුරේ මැණික් ව්‍යාපාරිකයකු සතුව මෙම මැණික් ගල් විදේශීය කාන්තාවකට විකිණිමේ පොරොන්දුව මත හිඹුටාන ප්‍රදේශයේ පුද්ගලයකු විසින් මෙම ව්‍යාපාරිකයාව කලුතර උතුර හෝටලයකට කැඳවා මැණික් කොල්ල කෑම සිදුකර ඇත. මතුගම ශාන් නමැති පාතාල සාමාජිකයාගේ සහෝදරයකුගේ සැලසුමකට අනුව ඔහුගේ බිරිඳක වන මොංගෝලියානු ජාතික කාන්තාවක මැණික් ගැනුම්කාරියක ලෙස යොදවා ඇති බවට පොලිසිය විසින් අනාරවණය කරගෙන තිබේ. මේ අනුව මෙම තොරතුරු මූලික පරීක්ෂණ වලදී හෙලීවු බව පොලිසිය පවසයි.
අත්අඩංගුවට පත්වූව පිරිස අතර හිටපු හමුදා සෙබළෙකු ද වේ. සෙරන්ඩිබ් වර්ගයේ කැරට් 36.24ක් බර මැණික් ගලක්, ග්‍රෑම් 25.5ක් බර පුෂ්පරාග මැණික් ගලක්, ස්වාභාවික නිල් සෆායර් වර්ගයේ ග්‍රෑම් 10ක් බර මැණිකක් සහ සුඛෝපභෝගී මෝටර් රථයක්ද පොලිසිය බාරයට ගෙන ඇත.
