ලංකා ඛනිජ තෙල් නීතිගත සංස්ථාවට පමණක් නොව විදුලි උත්පාදනය සඳහා යොදා ගන්නා පෞද්ගලික බලාගාරවල අදාළ පෞද්ගලික ආයතන සඳහා ද මුදල් ගෙවීමට තිබෙන බවයි, ඔහු ප්‍රකාශ කරන්නේ.
මාධ්‍ය අධ්‍යක්ෂ සුලක්ෂණ ජයවර්ධන මහතා පවසන්නේ, විදුලි ඒකකයක් උත්පාදනය කිරිම සඳහා රුපියල් 23ක මුදලක් වැය වුවද එය පාරිභෝගිකයාට ලබා දීමේ දී විදුලි ඒකකයක් රුපියල් 16ක පමණ මුදලකට ලබා දීමට සිදු වී ඇති බවයි. එය ද ලංකා විදුලි බල මණ්ඩලයේ පාඩු ලැබිමට එක් හේතුවක් වී ඇති බව සුලක්ෂණ ජයවර්ධන මහතා ප්‍රකාශ කළේය.
ඒ අනුව ආදායම හා වියදම අතර පරතරය අවම කර ගැනීම සම්බන්ධයෙන් විකල්ප යෝජනා කිහිපයක් පිළිබඳව අවධානය යොමු කර ඇති බව ද මාධ්‍ය අධ්‍යක්ෂ සුලක්ෂණ ජයවර්ධන මහතා සඳහන් කළේය.
