නීතිඥවරයෙකුගේ නීතිඥභාවය අහෝසි කිරීමට නියෝගයක්
සැප් 28,
2024
නඩු දෙකකට පෙනී සිටීම සඳහා හිමිනමකගෙන් රුපියල් ලක්ෂ 44 කට අධික මුදලක් ලබාගෙන නිසි පරිදි පෙනී නොසිටීම තුළින් නීතිඥ සරත් විජේසිරි ද සිල්වා මහතා නීතිඥවරුන්ගේ ආචාර ධර්ම උල්ලංඝනය කර තිබෙන බවත් ඔහුගේ නීතිඥ භාවය අහෝසි කිරීමට තීරණය කරන බවත් ශ්‍රේෂ්ඨාධිකරණය අද නියෝග කළා.
මෝටර් රථ ප්‍රවාහන කොමසාරිස්වරයා ට රිට් ආඥාවක්
සැප් 28,
2024
ලියාපදිංචි කිරීම ප්‍රතික්ෂේප කරන ලද පුද්ගලයින් 41 දෙනෙකු විසින් මිලදීගෙන තිබෙන එකලස් කරන ලද වාහන ඔක්තෝම්බර් මස 31දාට පෙර වහාම ලියාපදිංචි කිරීමට පියවර ගන්නා ලෙස බල කරමින් අභියාචනාධිකරණය විසින් මෝටර් රථ ප්‍රවාහන කොමසාරිස් වරයා වෙත රිට් ආඥාවක් නිකුත් කර තිබෙනවා.
ගාලු ප්‍රදේශයේ හෝටල් ව්‍යාපෘතියක් ඇරඹීම සඳහා මෙරට ආයෝජනය සඳහා පැමිණි ජපාන සමාගමක් විසින් අයෝජනය කළ ඇමෙරිකානු ඩොලර් මිලියන 06 පමණ මුදලක් සම්බන්ධයෙන් සාපරාදී විශ්වාසය කඩ කළේ යැයි චෝදනා කරමින්
අධිකරණයට අපහාස කළ නීතිඥවරියට ශ්‍රේෂ්ඨාධිකරණයෙන් නියෝගයක්
සැප් 28,
2024
නීතිඥ වෘත්තීයේ නිරත වීම තහනම් කරමින් ශ්‍රේෂ්ඨාධිකරණය විසින් නියෝගයක් නිකුත් කර තිබියදී එම නියෝගය උල්ලංඝනය කරමින් අදාළ වෘත්තීයේ නිරත විම තුළින් අධිකරණයට අපහාස කළේ යැයි චෝදනා එල්ල වී සිටින කැකිරාව ප්‍රදේශයේ පදිංචි නීතිඥවරියකට අධිකරණයේ අවසරයකින් තොරව විදේශගත වීම වළක්වාලමින් ශ්‍රේෂ්ඨාධිකරණය ඊයේ(26) නියෝගයක් නිකුත් කළා.
ඉකුත් වසරේ මාර්තු මස 09 වනදා නියම කළ පරිදි පළාත් පාලන ඡන්ද විමසීම නොපැවැත්වීම තුළින් එවක මැතිවරණ කොමිසමේ සාමාජිකයින් හා මුදල් අමාත්‍යවරයා ලෙස ජනාධිපතිවරයා මූලික මිනිස් අයිතිවාසිකම් උල්ලංඝනය කර ඇතැයි ශ්‍රේෂ්ඨාධිකරණය තීන්දු කළා.
කෙහෙළියගෙන් කෝටි 10ක් ඉල්ලා දිසා අධිකරණයට පෙත්සමක්
සැප් 28,
2024
ඇසේ සුද ඉවත් කිරීමේ සැත්කමක් සිදු කිරීමෙන් පසුව රෝහලින් ලබා දුන් ඖෂධ භාවිතා කිරීම හේතුවෙන් ඇස් පෙනීම අහිමි වූ බවත් ඒ වෙනුවෙන් එවක සෞඛ්‍ය අමාත්‍ය කෙහෙළිය රඹුක්වැල්ල මහතා ඇතුළු වග උත්තරකරුවන් ගෙන් රුපියල් කෝටි 10 බැගින් වන්දි අය කරදෙන නියෝගයක් නිකුත් කරන ලෙස ඉල්ලා පුරවැසියන් තුන් දෙනෙකු විසින් කොළඹ දිසා අධිකරණය හමුවේ නඩු ගොනුකර තිබෙනවා.
ආගමන හා විගමන නිලධාරීන්ට විමල්ගෙන් නඩුවක්
සැප් 28,
2024
ඉකුත් යහපාලන රජය සමයේ කිසිදු සාධාරණ හේතුවක් නොමැතිව තමන්ව ආගමන හා විගමන පනත යටතේ අත්අඩංගුවට ගෙන මීගමුව මහේස්ත්‍රාත් අධිකරණයේ නඩු පැවරීම තුළින් සිය කීර්තියට සිදුවූ හානිය වෙනුවෙන් රුපියල් මිලියන 1000 ක වන්දියක් අයකර දෙන ලෙස ඉල්ලා හිටපු අමාත්‍ය විමල් වීරවංශ මහතා විසින් නීතිපතිවරයා ඇතුළු ආගමන හා විගමන නිලධාරීන් දෙදෙනෙකුට එරෙහිව කොළඹ දිසා අධිකරණය හමුවේ අද නඩුවක් ගොනු කළා.
අනුර ඉදිරිපත් කළ පැමිණිල්ලක් කැදවීමට අධිකරණය දින දෙයි
සැප් 28,
2024
තමන්ට සිදුකළ අපහාසය වෙනුවෙන් පොදු ජන එක්සත් පෙරමුණේ මහ ලේකම් නීතිඥ සාගර කාරියවසම් මහතා ඇතුළු වග උත්තරකරුවන් ගෙන් රුපියල් බිලියන 10 ක වන්දියක් අය කර දෙන ලෙස ඉල්ලා ජාතික ජන බලවේගයේ නායක අනුර කුමාර දිසානායක මහතා විසින් ඉදිරිපත් කළ පැමිණිල්ලක් දෙසැම්බර් මස 20 වන දා කැඳවන ලෙස කොළඹ දිසා අධිකරණය අද නියෝග කළා.
කෙහෙළියගේ ඇප ඉල්ලීමේ තීන්දුව කල් යයි
සැප් 28,
2024
ප්‍රමිතියෙන් තොර ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් තමන්ව නඩු විභාගය අවසන් වන තුරු රක්ෂිත බන්ධනාගාර ගත කිරීමට මාලිගාකන්ද මහේස්ත්‍රාත් අධිකරණය දී ඇති නියෝගය බල රහිත කිරීමේ නියෝගයක් නිකුත් කරන ලෙස ඉල්ලා හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා විසින් ගොනුකර ඇති පෙත්සමේ නියෝගය ප්‍රකාශ කිරීම අද කල් තැබුණා.
වාස් ගුණවර්ධනට තවත් සිර දඬුවමක්
සැප් 28,
2024
2009 වසරේ මාලබේ තොරතුරු තාක්ෂණ විද්‍යාලයේ ඉගෙනුම ලැබූ නිපුණ රාමනායක නමැති තරුණයකු පැහැරගෙන ගොස් කොළඹ අපරාධ කොට්ඨාශයේ අයුතු ලෙස සිරකර තැබීමේ චෝදනාවට වරදකරු කෙරුණු මේ වනවිට මරණීය දණ්ඩනය නියම වී සිටින හිටපු නියෝජ්‍ය පොලිස්පති වාස් ගුණවර්ධන මහතාට කොළඹ මහාධිකරණ විනිසුරු අමල් රණරාජා මහතා විසින් බරපතළ වැඩ සහිත වසර 04 සිර දඬුවම් නියම කළා.
