ගෝලීය වශයෙන් මේ වන විට කොරෝනා වෛරසයෙන් සම්පූර්ණ සුවය ලැබූ සංඛ්‍යාව එක්කෝටි එකොළොස් ලක්ෂ පනස් එක් දහස ඉක්මවා ගොස් තිබේ.

පසුගිය සති කිහිපයේ දී බොස්ට්වානා රාජ්‍යයේ වන අලි දෙසිය අසූඑක් දෙනෙකු අබිරහස් ලෙස මියයාමට හේතුව ස්වභාවික විෂ වායුවක් විය හැකි බව මූලික පරීක්ෂණවලදී හෙළිව තිබෙනවා.

ඇෆ්ගනිස්තානයේ ලෝගර් පළාතේ, මෝටර් රථයක අටවා තිබූ බෝම්බයක් පුපුරායාමෙන් පුද්ගලයන් 17 දෙනෙක් මිය ගියේය. මෙම ප්‍රහාරය මරාගෙන මැරෙන බෝම්බකරුවෙකු විසින් සිදු කර ඇති බවටයි, ආරක්ෂක අංශ විශ්වාසය පළ කරන්නේ.

වැඩිහිටි ප්‍රජාව වැඩි වශයෙන් බිලිගත් කොරෝනා වෛරසය මේ වනවිට තරුණ ප්‍රජාව වෙත ව්‍යාප්තවීමේ වැඩි අවදානමක් මතුව ඇතැයි, ලෝක සෞඛ්‍ය සංවිධානය පවසයි.

ඉකුත් පැය 24 තුළ ඉන්දියාවේ අලුතින් කොරෝනා වෛරස් ආසාදිතයන් 52,249 දෙනෙකු හදුනා ගැනීමත් සමග, එරට සමස්ත ආසාදිතයන් සංඛ්‍යාව 15ස් ලක්‍ෂ 84,000 ඉක්මවා ගියේය.

අමෙරිකාවේ සමස්ත කොරෝනා ආසාදිතයන් සංඛ්‍යාව මේ වනවිට 45න් ලක්‍ෂ 68,000 ඉක්මවා ගොස් තිබේ.

ආර්ජන්ටිනාවේ කොරෝනා ආසාදිතයින්ගේ වැඩිවීමත් සමඟ එරට රෝහල් සතු දැඩි සත්කාර ඒකක තුළ ඇඳන් හා පහසුකම් හිඟයක් උද්ගතව තිබේ.

ගෝලීය කොරෝනා ආසාදිතයින්ගේ සංඛ්‍යාව එක්කෝටි හැට ලක්‍ෂ 93,000 ඉක්මවා තිබේ.