ලෙබනන සෞඛ්‍ය අමාත්‍යාංශය පවසන්නේ, අගනුවර මධ්‍යම ප්‍රදේශයට එල්ල වූ ඊශ්‍රායල ගුවන් ප්‍රහාරයකින් 20 දෙනෙකු ජීවිතක්ෂයට පත්ව ඇති බවයි.
ඊශ්‍රායල "බේරූට්" අගනුවරට යළි පහර දෙයි
නොවැ 24,
2024
ඊශ්‍රායල හමුදාව, ලෙබනනයේ "බේරූට්" අගනුවරට යළි ගුවන් ප්‍රහාර එල්ල කර තිබෙනවා.
ලෙබනනයේ "බේරූට්" අගනුවරට එල්ල වූ ඊශ්‍රායල ගුවන් ප්‍රහාරයෙන් තවත් 66 දෙනෙකු තුවාල ලබා ඇති බව, එරට සෞඛ්‍ය අමාත්‍යාංශය පවසනවා.
එහි දී නේවාසික ගොඩනැගිල්ලක් මුළුමනින්ම විනාශ වී ඇති බවයි, වාර්තා වන්නේ.
සුන්බුන් යට සිරවී සිටින පුද්ගලයින් මුදාගැනීමේ මෙහෙයුම් සිදු කරමින් පවතින බව, ලෙබනන බලධාරින් පවසනවා.
එරට නැගෙනහිර ප්‍රදේශයේ ගම්මාන දෙකකට ඊයේ එල්ල වූ ඊශ්‍රායල ගුවන් ප්‍රහාරවලින් තවත් 13 දෙනෙකු මියගොස් ඇති බව, වාර්තා වනවා.
මිය ගිය පිරිස අතර, කුඩා දරුවන් ද සිටින බව, එරට සෞඛ්‍ය අමාත්‍යාංශය සඳහන් කළා.
